ఓం శ్రీపరమాత్మనే నమః
అథ పంచదశోధ్యాయః - పురుషోత్తమప్రాప్తియోగః
శ్రీ భగవానువాచ :-
(15) శ్లో॥ 1 : ఊర్ధ్వమూలమధశ్శాఖమ్‌
అశ్వత్థం ప్రాహురవ్యయమ్‌ ।
ఛందాంసి యస్య పర్ణాని
యస్తం వేద స వేదవిత్‌ ॥ (ప్రకృతి, పురుషుడు)
(15) శ్లో॥ 2 : అధశ్చోర్థ్వం ప్రసృతాస్తస్య శాఖా
గుణప్రవృద్ధా విషయప్రవాళాః ।
అధశ్చమూలాన్యనుసంతతాని
కర్మానుబంధీని మనుష్యలోకే ॥ (ప్రకృతి, పురుషుడు)
(15) శ్లో॥ 3 : న రూపమస్యేహ తథోపలభ్యతే
నాంతో న చాదిర్న చ సంప్రతిష్ఠా ।
అశ్వత్థమేనం సువిరూఢమూలమ్‌
అసంగశస్త్రేణ దృఢేన ఛిత్త్వా ॥ (ప్రకృతి, పురుషుడు)
(15) శ్లో॥ 4 : తతః పదం తత్పరిమార్గితవ్యం
యస్మిన్‌ గతా న నివర్తంతి భూయః ।
తమేవ చాద్యం పురుషం ప్రపద్యే
యతః ప్రవృత్తిః ప్రసృతా పురాణీ ॥ (పరమాత్మ)
(15) శ్లో॥ 5 : నిర్మానమోహా జితసంగదోషా
అధ్యాత్మనిత్యా వినివృత్తకామాః ।
ద్వంద్వైర్విముక్తాః సుఖదుఃఖసంజ్ఞైః
గచ్ఛంత్యమూఢాః పదమవ్యయం తత్‌ ॥ (పరమాత్మ)
