ఈ పుట ఆమోదించబడ్డది
అర్జున ఉవాచ :-
(10) శ్లో॥ 12 : పరం బ్రహ్మ పరం ధామ
పవిత్రం పరమం భవాన్‌।
పురుషం శాశ్వతం దివ్యమ్‌
ఆదిదేవమజం విభుమ్‌ ॥
(10) శ్లో॥ 13 : ఆహుస్త్వామ్‌ ఋషయః సర్వే
దేవర్షిర్నారదస్తథా ।
అసితో దేవలో వ్యాసః
స్వయం చైవ బ్రవీషిమే ॥
(10) శ్లో॥ 14 : సర్వమేతదృతం మన్యే
యన్మాం వదసి కేశవ! ।
న హి తే భగవన్‌ వ్యక్తిం
విదుర్దేవా న దానవాః ॥
(10) శ్లో॥ 15 : స్వయమేవాత్మనాత్మానం
వేత్థ త్వం పురుషోత్తమ! ।
భూతభావన! భూతేశ!
దేవదేవ! జగత్పతే! ॥
(10) శ్లో॥ 16 : వక్తుమర్హస్యశేషేణ
దివ్యా హ్యాత్మవిభూతయః ।
యాభిర్విభూతిభిర్లోకాన్‌
ఇమాంస్త్వం వ్యాప్య తిష్ఠసి ॥
(10) శ్లో॥ 17 : కథం విద్యామహం యోగిన్‌
త్వాం సదా పరిచింతయన్‌ ।
కేషు కేషు చ భావేషు
చింత్యోసి భగవన్‌ మయా ॥
