ఈ పుట ఆమోదించబడ్డది
(10) శ్లో॥ 6 : మహర్షయః సప్త పూర్వే
చత్వారో మనవస్తథా ।
మద్భావా మానసా జాతా
యేషాం లోక ఇమాః ప్రజాః॥ (పరమాత్మ)
(10) శ్లో॥ 7 : ఏతాం విభూతిం యోగం చ
మమ యో వేత్తి తత్త్వతః।
సోవికంపేన యోగేన
యుజ్యతే నాత్ర సంశయః ॥ (పరమాత్మ)
(10) శ్లో॥ 8 : అహం సర్వస్య ప్రభవో
మత్తః సర్వం ప్రవర్తతే ।
ఇతి మత్వా భజంతే మాం
బుధా భావసమన్వితాః ॥ (పరమాత్మ)
(10) శ్లో॥ 9 : మచ్చిత్తా మద్గతప్రాణాః
బోధయంతః పరస్పరమ్‌ ।
కథయంతశ్చ మాం నిత్యం
తుష్యంతి చ రమంతి చ ॥ (పరమాత్మ)
(10) శ్లో॥ 10 :తేషాం సతతయుక్తానాం
భజతాం ప్రీతిపూర్వకమ్‌ ।
దదామి బుద్ధియోగం తం
యేన మాముపయాంతి తే ॥ (పరమాత్మ)
(10) శ్లో॥ 11 : తేషామేవానుకంపార్థమ్‌
అహమజ్ఞానజం తమః ।
నాశయామ్యాత్మభావస్థో
జ్ఞానదీపేన భాస్వతా ॥ (పరమాత్మ)
