ఈ పుట ఆమోదించబడ్డది
(8) శ్లో॥ 17 : సహస్రయుగపర్యంతమ్
అహర్యద్బ్రహ్మణో విదుః ।
రాత్రిం యుగసహస్రాంతాం
తేహోరాత్రవిదో జనాః॥ (పరమాత్మ)
(8) శ్లో॥ 18 : అవ్యక్తాద్వ్యక్తయః సర్వాః
ప్రభవంత్యహరాగమే ।
రాత్య్రాగమే ప్రలీయంతే
తత్రైవావ్యక్త సంజ్ఞకే ॥ (పరమాత్మ, జీవాత్మ)
(8) శ్లో॥ 19 : భూతగ్రామః స ఏవాయం
భూత్వా భూత్వా ప్రలీయతే ।
రాత్య్రాగమేవశః పార్థ !
ప్రభవత్యహరాగమే ॥ (జీవాత్మ)
(8) శ్లో॥ 20 : పరస్తస్మాత్తు భావోన్యో
వ్యక్తోవ్యక్తాత్ సనాతన :
యః స సర్వేషు భూతేషు
నశ్యత్సు న వినశ్యతి ॥ (పరమాత్మ)
(8) శ్లో॥ 21 : అవ్యక్తోక్షర ఇత్యుక్తః
తమాహుః పరమాం గతిమ్ ।
యం ప్రాప్య న నివర్తంతే
తద్ధామ పరమం మమ ॥ (పరమాత్మ)
(8) శ్లో॥ 22 : పురుషః స పరః పార్థ !
భక్త్యా లభ్యస్త్వనన్యయా ।
యస్యాంతఃస్థాని భూతాని
యేన సర్వమిదం తతమ్ ॥ (పరమాత్మ)