ఈ పుట ఆమోదించబడ్డది
మెట్టినపు డెల్లఁ ద్రోవ య౯ ♦ మేలివీణె
56
నిండి నాలోన నీహర్ష ♦ ముండు నిట్లు.
ఇత్తెఱంగున ననుఁ జేర ♦ వత్తు వీవు.
ఏనె లేకున్న నీప్రేమ ♦ మెచట నుండు?
దివిభుల నెల్ల నేలెడు ♦ దేవదేవ!
చెన్నుమీఱుచు నుందునీ ♦ సిరుల కెల్లఁ
గైకొనితి నీవు నన్ను భా ♦ గస్థుఁ గాఁగ.
నీమహానంద మేవేళ ♦ నృత్యమాడు
నదనముగ నుండుఁ గాదె నా ♦ హృదయసీమ
భవదుదారేచ్చ రూపంబుఁ ♦ బదయుచుండు;
సతతమును దేవ! నాదుజీ ♦ వితమునందు.
నన్ను మోహింపఁజేయఁగా ♦ నాథనాథ!
భవ్యరూపంబు నీ విట్లు ♦ పడసినావు.
దీని కై నీదుప్రేమంబు ♦ లీన మౌను
బేర్మితో నిన్నుఁ బ్రేమించు ♦ ప్రేమలోనఁ;
గడకు రెం డిట్లు పూర్తిగఁ ♦ గలసి పొవ
నందుఁ గానంగ వత్తు నా ♦ నందముగను.
