సుప్రసిద్ధ కూతలుండవలెను. "మేము ఒక మాట చెప్పి మరియొక పని చెయ్యము. మేము భ్రమ పెట్టము - మేము సహకారమును చేతుము. ఇది మా నిజాయితీ" యని చెప్పుకొనుట సముచితవాదుల శంఖనాదమైయున్నది. ఇందులో సత్యములేదని మేమనఁజాలము. జస్టిసు పక్షమువారి "ఉద్యోగములు- సహకారము"లో కూడ ఇంతకన్న ఎక్కువ సత్యమున్నది. వారికేకలలో నున్నదెల్లయు సత్యమే.
కాని కేవలము ఇట్టి హ్రస్వ సత్యముపై దృష్టిని నిల్పుకొనువారు స్వరాజ్యవాదుల ఆదర్శ సత్యమును గుర్తెరుంగలేక వారిని దగాకోరులని చాటవలసిన నేరమునకు పాత్రులుకాక తప్పదు. దేని సత్యము దానిలోనే యున్నది. దేశమందరును చేరిపోయినంత మాత్రమునఁగాని, సంతకములు పెట్టినంతమాత్రమునఁగాని ఒకటి మరియొకటి కంటె నెక్కువ సత్యవంత మైనదియు, దేశహితైక మైనదియు, కాఁబోదు. అయినను కాంగ్రెస్లో పేసయిన స్కీము తిరిగీ ఆ కాంగ్రెస్సులో రద్దు కాబడు వరకును దేశీయులకును వోటర్లకును అనుసరణీయము. కాంగ్రెసులో సంతకము పెట్టి ఆ పేరు మోచుకొన్నందువలనఁ గలిగెడి లాభములను భుజింపఁగోరుచు గూడ ఆ సంస్థ ఆజ్ఞలకు వ్యతిరేకముగపని చేయుట తత్సంస్థకును తన్మూలమున దేశీయ పురోభివృద్ధికిని గూడ ద్రోహ మొనర్చినట్లే - ఈ సమయమున సాధ్యాసాధ్యములను గూర్చికాని, వివేకావివేకములను గూర్చికాని తాత్కాలిక లాభాలాభములను గూర్చి కాని సంశయము లుండును గాక. జాతీయ ధర్మా ధర్మములను గూర్చి సంశయములను పెంచి తన్మూలమున పార్టీల బలములను వృద్ధి చేసుకొనగోరుటకంటె దైవద్రోహముకూడా వేఱేలేదు. సముచిత సహకార వాదులు కాలోచితమైన కార్యక్రమమును తీసుకొని వచ్చినామన్న కీర్తిని గైకొనఁగోరుచో, స్వరాజ్యవాదులకు సదాశయ సంకలితమగు కార్యక్రమమున నవలంభింప గోరు చున్నారన్న యీషత్కీర్తి నొసంగక తీరదు. కాంగ్రెసు, వారి మీద తన చేతినుంచినంత సేపు వారి విధానము దేశీయుల కనుసరణీయమగు చున్నదని సముచిత వాదులు కినుక పొందరాదు. వెంటనే కాంగ్రెస్సు పెట్టించుకొని కార్యక్రమమును పునర్విమర్శనము చేయించుకొని తమకార్యక్రమమునే దేశమున కనుసరణీయముగ చేసికొన వచ్చును. కాంగ్రెసు వారిని ప్రతిఘటించు ననుటకు వీలులేదు. వారు మాత్రము సామాన్యులా, బుద్దిహీనులా? కాంగ్రెసును మెప్పించి ఒప్పించలేరా?
గరిమెళ్ళ వ్యాసాలు
91
