నెత్తిపై నున్నంతసేపు, సాధ్యాసాధ్యముల మాట నట్టెపెట్టి, యధోచిత సహకారవాదిని తానెదిరించుటలో వెనుక తీయవలెనని మేమెన్నడును నొప్పుకొనము. ఇది కొంచెము రాబోవు పరిస్థితులలోనికి తొంగి చూచుటయేకాని, వారిని విరమింపవలెననుట కాని, వారికి జయము కోరకుండుట కాని, వారికి ప్రతికూల పక్షములలోనికి దిగుట కాని యనిపించుకొనదు.
"మేము రేపు ప్రొద్దున్న వేఱేగతి లేకపోయినచో సహకారమే చేతుముగాక, సముచిత సహకారమే చేతుముగాక, ఇదివరలో సముచిత సహకారమే చేసియుందుముగాక, మాకు సంపూర్ణ ప్రతిఘటనములో విశ్వాసమున్నది. మమ్ము మీరధిక సంఖ్యలుగాబంపినచో మేమట్లు చేసెదము. మేము కాంగ్రెస్సు ఆజ్ఞలకు సర్వదా బద్ధులము" అని చెప్పుచు వోటులు ముష్టెత్తుకొనుట "మేము సంపూర్ణ ప్రతిఘటన వాదులముకాదు. అయినమట్టుగ శాసనసభల నుపయోగ పరచుకొనుటకే మేము పోవుచున్నాము. అవసరమైనచో ప్రతిఘటనము చేస్తాము - మా విశ్వాసమది. మేము చేయజాలని సంగతులను బట్టి గొప్పలు చెప్పము - అసహాయము, ప్రతిఘటనమును చచ్చి చితికిపోయినాయి. చూసేరుకదా! అవి సాధ్యముకాని ఆదర్శములు, మేమాదర్శవాదులముకాదు. మా దగ్గరనున్న దెల్లయును నిజాయితీ, అందుచేత ప్రభుత్వమును కొనసాగింపజేయుసహకారమునకుగా మాకనుజ్ఞ యీయవలసినది" యని చెప్పుచు వోట్లుముష్టెత్తుకొనుట కంటె యెక్కువ మంచి ఆదర్శమని యెవరు కాదనగలగు? ఇందులో వీరిర్వురికిఁగల దృష్టిభేదము విశదమగుచునేయున్నది.
సామాన్య దృష్టితో చూచినప్పుడు యధోచితసహకారవాదులే యెక్కువ సత్యవంతులై నట్లున్ను స్వరాజ్యవాదులు దగాకోరులైనట్లున్ను కనిపించకపోరు. కాని, సాధ్యము కానివైనను గొప్ప ఆశయములను, ఉత్తమ సంకల్పములను చూపి ప్రజలదృష్టి నున్నతాశయముల వైపునకును, పరమావధి వైపునకును నెత్తి యుంచుటను అసత్యమనియు, దగాకోరుతనమనియు భ్రమ పెట్టుట యనియు చాటుట, బ్రిటిషు ప్రభుత్వమువారితో సహకారము చేయుటకై యువ్విళ్ళూరుచు పరుగెత్త గోరువారు వెలయుచుండిన యీ కాలమునకు మాత్రమే సలలిత లక్షణమై యలరారుచున్నది. తమపక్ష మితర పక్షములకంటె నేవిధముననైన నున్నతమైనదని చాటుకొనుటకు ప్రతివారికిని యేవో కొన్ని
90
గరిమెళ్ళ వ్యాసాలు
