నయనానందకర నాయనాయనమ:
శ్లో|| గురు మన్త్రో ముఖేయస్య తస్య సిద్ద్యన్తి నాన్యథా |
దీక్షయా సర్వకార్యాణి సిద్ద్యన్తి గురుపుత్రకే || -శ్రీగురుగీత.
శ్లో|| నిత్యానందం పరమసుఖదం కేవలం జ్ఞానమూర్తిం
విశ్వాతీతం గగన సదృశం తత్త్వమస్యాది లక్ష్యమ్ |
ఏకం నిత్యం విమలమచలం సర్వధీ సాక్షి భూతమ్
భావాతీతం త్రిగుణ రహితం సద్గురుం తన్నమామి ||
శ్లో|| వటవిటపి సమీపే భూమిభాగే నిషణ్ణం
సకలమునిజనానాం జ్ఞానదాతారమారాత్ |
త్రిభువనగురుమీశం దక్షిణామూర్తి దేవం
జననమరణ దు:ఖచ్ఛేద దక్షం నమామి ||
శ్లో|| చిత్రం వటతరోర్ములే వృద్ధాశిష్యా గురుర్యువా
గురుస్తోమౌనం వ్యాఖ్యానం శిష్యాస్తుఛిన్న సంశయా: ||
శ్లో|| మౌనవ్యాఖ్యా ప్రకటిత పరబ్రహ్మతత్త్వం యువానం |
వర్షిష్ఠాన్తేవసదృషి గణైరావృతం బ్రహ్మనిష్ఠై: |
ఆచార్యేన్ద్రం కరకలిత చిన్ముద్ర మానన్దమూర్తిం |
స్వాత్మారామం ముదితవదనం దక్షిణామూర్తిమీడే ||
శ్లో|| బీజస్యాన్తరివాంకురో జగదిదం ప్రాజ్ఞ్నిర్వికల్పం పున:
మాయా కల్పిత దేశకాలకలనా వైచిత్ర్య చిత్రీకృతమ్ |
మాయావీవ విజృంభయ త్యపి మహా, యోగీవయస్వేచ్చయా
తస్మై శ్రీగురుమూర్తయే నమ ఇదం శ్రీదక్షిణామూర్తయే ||
