4. నైమిశారణ్య దివ్యదేశ:
నైమిశారణ్య నామాశ్చితే పావనే దివ్యకాన్తార రూపేణ భాన్తం హరిమ్‌|
శ్రీకలిద్విణ్ముని ప్రేక్షితం వీక్షితుం గచ్చతోత్కణ్ఠీతా భక్తితో భో జనా:||
5. సాలగ్రామ దివ్యదేశ:
నేపాలాఖ్యే దుర్గమదేశే విలసన్తం సాలగ్రామే తీర్థపరీతం భజ చిత్త|
భక్త్యాగ్రేణ శ్రీకలిహన్త్రా మునిరాజా దృష్టం జుష్టం శిష్టవరిష్ఠైర్హతకష్టమ్‌||
6. శ్రీబదరికాశ్రమ దివ్యదేశ:
యత్రాష్టాక్షర దివ్య మన్త్ర మనఘం నారాయణస్సన్ గురు:
స్వస్మా ఏవ పరాత్మనే సమదిశ చ్చిష్యాకృతిం భేజుషే|
గౌరీశోపి కపాలముక్తి మభజద్యత్రైవ తత్ర స్థితం
శ్రీమద్బట్ట కలిద్విడీడ్య బదరీక్షేత్రే మదీయం మన:||
7. కణ్డమెన్నుమ్‌ కడినగర్ దివ్యదేశ:
గజ్గా గజ్గేతి వాచా సకల జన సమస్తాఘ సంహార కర్త్ర్యా
గజ్గాయాం దివ్యతీరే విలసతి మహితే గణ్డనామ్నా ప్రసిద్దే|
క్షేత్రే శ్రీ భట్టనాథ హ్వయ మునివినుతే భ్రాజమానం మహాన్తం
విష్ణుం జిష్ణుం వరేణ్యం రఘువరమనిశం ద్యాయతాం సమ్పదన్స్యు:||
8. పిరిది దివ్యదేశ:
బదర్యాశ్రమాద్వన్యతీవాభిరామే పిరిద్యాహ్వయే దివ్యదేశే లసన్తమ్‌|
కలిద్వంసి యోగీంద్ర గీతం నృసింహ ముకున్దం మురారిం ముదా సేవిషీయ||
9. ఉత్తర మధురా దివ్యదేశ:
శఠరిపు భట్టనాథముని తత్తనయావినుతాం
యదుపతి వాసుదేవ జనన స్థల మిత్యుదితామ్‌|
అనిశము పాసిషీయ మధురాం మధురానగరీం
రవి తనయావగాపరివృతాం దురితౌఘహరామ్‌||
10. ద్వారకా దివ్యదేశ:
వాసుదేవ గృహమేక ముదాన్వాన్ ప్లావయత్యహహ! నేత్యుపగీతాన్|
ద్వారకామహమవైక్షిషి గోదా తత్పితుస్తితి సమేదిత శోభామ్‌||
11. గోకుల ప్రాన్తస్థలీ
పూతనాశకట దేనుక వత్సాద్యాసుర ప్రకృతి వృన్ద నిహస్తు:|
నంద నందన విభోర్ర్వజమీడే సర్వసూరిగణ మానస జుష్టమ్‌||
గోవర్దనోద్దరణ రాస విహార ముఖ్యైశ్చర్యాశతై రఖిలభక్త మనోహరస్య|
బృందావనే విహరతో వసుదేవ మానో: కృష్ణస్య దివ్యచరణౌ శరణం మమైవ||
314
