పుట:Dhanurvidyaa vilaasamu (1950).pdf/96

32

శిష్యలక్షణము

వ.⁠

ఉపదేశార్హుండగు శిష్యు నిరూపించెద నాకర్ణింపుము.

⁠ 129

సీ.⁠

వినయమ్ము గురువరానునయమ్ము గలవాని         పలుకు విన్నాణంబు గులుకువాని, చెలువముల్ వెదచల్లు సింహమధ్యమువాని         వలమురి నోడించు గళమువాని, స్వచ్ఛంబులగు కాయకచ్ఛముల్ గలవాని         సమములౌ పీవరాంసములవాని, దృఢనిస్తులంబులౌ దీర్ఘబాహులవాని         సమవిభక్తాంగమ్ము లమరువాని,

⁠

తే.⁠

గాంచి తోషించి శిష్యునిగా వరించి విల్లు పట్టించి నేర్పులు విస్తరించి యలయికలు మాన్చి యభ్యాస మలవరించి కూర్మ వాటించుఁ గీర్తిచే గురువరుండు.

⁠ 130

సీ.⁠

ఉర్వి ద్వాత్రింశదాయుధములలోపల         నరయ బాణాసనం బధిక మండ్రు, తాదృశంబగు విల్లుదాల్చిన చతురుండు         విభవాభిరాముఁడై వెలయు నండ్రు గావున విలువిద్య గఱపువానికి శిష్య         వరుఁ డూర్జితుండు గావలయు నండ్రు, జగతి నూర్జస్వలుఁడగువాఁడు షణ్ణవ         త్యంగుళోత్సేధుఁడై యలయు నండ్రు,

⁠

తే.⁠

సంగడంబున షణ్ణవత్యంగుళములు మాన ముత్తమపురుషప్రమాణమంత ఖర్వుఁడును దీర్ఘుఁడును గాని ఘనుఁడు (చూవె) మహిసముఁడు సార్వభౌముఁడై మలయు నండ్రు.

⁠ 131

వ.⁠

ఇట్లు సమపురుషప్రమాణంబు నిరూపింపం దగు, నింక సమవిభక్తాం గుఁ డగుటకు ఫలంబు వివరించెద నాకర్ణింపుము.

⁠ 132