పుట:Dhanurvidyaa vilaasamu (1950).pdf/73

ధనుర్విద్యావిలాసము 7

గీ.⁠

పుట్టకోటగాక పొలుచుపైకోటకు దండి బురుజులుండు రెండుపదులు కొమలు రెండు నొక్క కొత్తడం బనఁదగు నట్టికొత్తడంబు లాఱువేలు.

⁠ 26

ఉ.⁠

ఎక్కడఁ [1]జూచిన న్మదపుటేనుగుగున్నలు చెన్నుమీఱు నే దిక్కునఁజూచినన్ బసిఁడితేరులబారులు సౌరు దేరు నే వక్కమునం గనుంగొనిన వాజులరాజులు రాజిలున్ సిరుల్ గ్రక్కెడు కొండవీటినగరంబున నద్భుత మావహిల్లఁగన్.

⁠ 27

శా.⁠

అందుం దీర్పరి పెద్దయై ముకురనీహారామరహ్రాదినీ కుందోరప్సరరాజరాజ కలశాకూపారహారావళీ మందారద్రుమగంధసార లవలీమాద్యద్యశశ్శాలి మే లందున్ మానికరాయభూవిభుఁడు బాహావిక్రమావక్రుఁడై.

⁠ 28

సీ.⁠

తనకునై కుతుపశా దయనిచ్చు విజయాంక         బిరుదముల్ దనయింటఁ బెనుపుసూప తనపేరు తనసంప్రదాయంబు వారల         కన్వయాంకంబుగా నతిశయిల్ల తా భక్తిఁ గొలుచు కోదండరామస్వామి         తనవారి కులదైవతంబు గాఁగ, తన భుజాబలసముత్థానంబుచేఁ గొండ         వీటి దుర్గంబు భావితము గాఁగ,

⁠

తే.⁠

నమరె ముర్తుజాన్న గర సింహాసనమున చామరచ్ఛత్ర వేణునిస్సాణ పణవ ముఖ నిఖల రాజచిహ్నముల్ మ్రోలఁదనర ప్రధనజయశాలి మానికరాయమౌళి.

⁠ 29

ఉ.⁠

మండితమూర్తియై తనకు మానికరాయినికిం దనూజుఁడై కొండలరాయభూవిభుఁడు కుండలిరాజశశాంక శంకరా

⁠

1. జూచినన్మరవు లేనువు