పుట:Dashavathara-Charitramu.pdf/99

⁠

దేవతాట్టహాసంబు పోలికె వికాసంబై తైలాదభ్రసితాభ్రంబు సుహృ త్తగు రీతి శీతలజలప్రవాహంబు కూల సాలనిర్మూలనానుకూలం బగులీల సురవిరోధి శిరోధి ఖండించిన దనుజవరూథినీహాహానాదంబు లుప్పతిల్లె దివిజచమూసమూ హంబులు గాయకహాహానాదంబులు బ్రహ్మర్షిసముచ్చయసముచ్చైరుచ్చారిత జయజయేత్యాశీర్వాదంబులు జయదుందుభి రటనంబులు నప్సరోనటనంబులుం జెలంగె నంత.

⁠ 428

తే.⁠

ఏఱులై పాఱు నెత్తురు లెందుఁ జూడఁ, గొండలై పడుకండలు గుములుగూడి దానికై పోరు భూతబేతాళతతులు, గలిగి భీకరమయ్యె సంగరము గరము.

⁠ 429

తే.⁠

మెదడు ముద్దలు గావించి మెసవి మెసవి కుతిక మోయంగ నెత్తురుల్ గ్రోలి కడుపు నిమిరికొంచు నగస్త్యమంత్రములు నొడివి, శతపదంబులు ద్రొక్కుఁ బిశాచగణము.

⁠ 430

క.⁠

తుందిలదనుజకబంధము, నందొకగజమస్తకంబు నతికి గజాస్యా యిందలి కరివిఘ్నంబులఁ, గుందింపకు మనుచు మ్రొక్కుకొనుభూతంబుల్.

⁠ 431

తే.⁠

వేలుపులు వారు దనుజులు వీర లనుచు, భూతబేతాళములపఙ్క్తి పొంకపఱిచి తాను మోహిని యంచు రక్తంపుసుధను, బొసఁగ వడ్డించెఁ గామినీభూత మొకటి.

⁠ 432

మ.⁠

కరిగండస్రుతదానవారి యమునాకల్లోలముల్ గా నికో చరరక్తంబు సరస్వతీకలన మించె న్వాహలాలాంబువుల్ సురకల్లోలినిగాఁ ద్రివేణికరణి న్సొంపొందె జ్ఞాతేయసం గరభూభాగము గాన దానఁబడ మోక్షప్రాప్తి సంధిల్లెడిన్.

⁠ 433

తే.⁠

ద్వంద్వయుద్ధంబు గావించు దనుజవిభులు, దక్కురక్కసు లెదురంగఁ దల్లఁడిలుచుఁ బఱవ వెన్నాడి పొడిచె సుపర్వగణము, లహహ దాయాదిపోరు దుస్సహము గాదె.

⁠ 434

వ.⁠

ఇవ్విధంబున నుపేంద్రసుదర్శనంబునఁ గాలనేమి మాలి సుమాలి మాల్యవం తులు నంభోధరవాహదంభోళిసంరంభంబుల బల జంభ పాక నముచి ప్రముఖ దానవప్రవరులు దక్కినదిశాధిపతులవలనఁ దెగిన సేనాధిపతు లెల్లం ద్రెళ్లిన విలోకించి దేశకాలవిశేషవిజ్ఞానవిచక్షణుండు గావున బలీంద్రుండు దన కది విజ యసమయంబు గాదుగా యని యెఱింగి సంగరరంగంబు దొరంగి శుక్రుసన్నిధి కేగి తదీయసంజీవినీవిద్యఁ దత్త్వోపదేశవచోవిశేషంబుల బాహ్యాంతఃకరణ దుఃఖంబులఁ బాసి తపంబునకుం జనియెఁ దక్కు రక్కసులు దిక్కు లేక పెక్కువగ లం జిక్కువడి నానాదిక్కులకుఁ బఱవఁ బరవరూథునీవరుల వెన్నంటి మున్నిం

⁠