పుట:Dashavathara-Charitramu.pdf/86

క.⁠

మానవతు లెంతకోమలు, లైనను బతిసురతపటుత నలరుదు రసహం బైనరవిద్యుతిసంగము, చే నందవె పద్మినులు విశేషశ్రీలన్.

⁠ 322

ఉ.⁠

ఔర యిదేటియోజన మృగాయతలోచన నన్నుఁ గోరునో కోరదొ కోర కేమి నలకూబరముఖ్యులు నాదుబంట్లు శృం గారము చెప్ప నేల త్రిజగంబులు నేలఁగఁ గల్మిలేదె యె వ్వా రిఁక నన్నువంటిబలవంతులు శక్రుఁడె వచ్చి కొల్వఁగన్.

⁠ 323

క.⁠

అని యుత్సహించి యొకనెప, మునఁ జెంగటి కేగి దీనిముద్దులమాట ల్వినవలతు ననుచు నబ్బలి, [1]తనమదిలోఁ దలఁచి మిగులఁ దత్తఱ మందన్.

⁠ 324

చ.⁠

కలకలనవ్వునెమ్మొగము కమ్మనితమ్మి యటంచుఁ దుమ్మెదల్ హళహళిఁ జిమ్మిఱేఁగ భయమంది గిఱుక్కున మోము ద్రిప్పుచోఁ గలికిమెఱుంగుచెక్కుపయిఁ గ్రమ్మఁ దళుక్కునఁ బైఁట జాఱఁగా బెళుకుదు నబ్బలిం గదిసి బిత్తరి యత్తఱి దత్తఱింపఁగన్.

⁠ 325

చ.⁠

వెఱవకు కీరవాణి యలివేణివి గావె మదాళిపాళికిన్ వెఱవఁగ నేల యంచు బలి వేడుకతోడ లలాటపట్టికన్ మెఱుఁగులు సిందుముంగురులు మెల్లనె చిక్కులు దీర్చి చెక్కులం దొఱిఁగెడు ఘర్మము ల్తనదు దుప్పటిచేఁ దుడిచెన్ నయంబుగన్.

⁠ 326

చ.⁠

అలికులవేణి భృంగగరుదంచలచంచలకర్ణమంజరీ గళితపరాగము ల్పయిని గ్రమ్మిన రాల్చునెపంబు దోఁప గాఁ బలుమఱు జాలువాసరిగెపయ్యెదకొంగు విదుర్ప గుబ్బచ న్నుల జిగిఱేఁగి చూపఱ కనుంగవకు న్మిఱుమిట్లుగొల్పఁగన్.

⁠ 327

తే.⁠

ఆసరోజాక్షిలీలావిలాసములకు, మరులుకొని దానవేంద్రుండు మనసిజాత మత్తవేదండదోధూయమానమాన, [2]సాబ్జుఁడై యిట్లు పలికె నబ్జాక్షిఁ జూచి.

⁠ 328

మ.⁠

సుదతీ యెవ్వరిదాన వీ వెపుడు నెచ్చో నుందు నీనామ [3]మె య్యది యీనీభువనైకమోహననవీనాకార మత్యద్భుతా స్పద మయ్యెం బరమేష్టి మాపయిఁ గృపం బంచేంద్రియాత్యంతస మ్మదముం జేయఁ దలంచి నిన్నిటులు నిర్మాణంబు గావించెనే.

⁠ 329

మ.⁠

హరిణాక్షీ యటుగాకయున్న భవదీయాకారరేఖామనో హరశృంగారవిలాసవిభ్రమములం దావంతమాత్రంబు కి న్నరవిద్యాధరనాగకింపురుషగంధర్వాదినానామరు త్తరుణీరత్నములందుఁ గంటిమె వృథాతర్కంబు లింకేటికిన్.

⁠ 330

1. తననెమ్మదిలోన మిగులఁ
2. సాబ్జుఁడయి పల్కె నబ్జాయతాక్షిఁ జూచి
3. మె, య్యెది యీనీభువనైకమోహనతనుశృంగార మత్యద్భుతా