పుట:Dashavathara-Charitramu.pdf/85

⁠

తామసంబునఁ జొక్కి యెంతయును సాత్త్వి, కమున మోహంబు తల కెక్కి కలఁగి రపుడు.

⁠ 314

చ.⁠

భళిభళి మెచ్చవచ్చు నిఁక బ్రహ్మను దీని సృజించినప్పుడే వెలయఁగఁ జేతికి బిరుదు వేయఁగవచ్చును గొమ్మమాత్ర మా యలరెడుముద్దుగుమ్మ నడయాడెడి బంగరుబొమ్మ గాక యీ చెలువకటాక్ష మెవ్వరికిఁ జేరును వారు కృతార్థు లిమ్మహిన్.

⁠ 315

సీ.⁠

కంతుపట్టపుదంతి గాదేని యీయింతి ఘనమనస్సరసులఁ గలఁచు టెట్లు కళుకుబంగరుబొమ్మ గాదేని యీకొమ్మ చిత్తంబు లాసింపఁజేయు టెట్లు కళలూనులతకూన గాదేని యీచాన నయనోత్పలంబుల ననుపు టెట్లు కారుమెఱుఁగుచెన్ను గాదేని యీయన్ను మోహకైతవముల మొనపు టెట్లు

⁠

తే.⁠

చెఱకుసింగాణివింటివజీరుపువ్వుఁ, గోల గాదేని యీగోల గుఱుతు గాఁగ హృదయమున నాటు టె ట్లని యెంచి ఱెప్ప, వైవ కీక్షించు దైతేయవల్లభుండు.

⁠ 316

సీ.⁠

గజరాజగమనసింగారంబు గనుఁగొనవలవదే కన్నులు గలుగుఫలము జలజాక్షిమధురభాషణము లాకర్ణింపవలవదే వీనులు గలుగుఫలము విరిఁబోఁడిజీనిచక్కెరమోవిరుచు లానవలవదే నాలుక గలుగుఫలము చెలిచెక్కుఁగపురంపుఁబలకలు మూర్కొనవలవదే నాసిక గలుగుఫలము

⁠

తే.⁠

గబ్బిగుబ్బల బిగ్గరఁ గౌఁగిలింప, వలవదే తళ్కునెమ్మేను గలిగినఫల మటులు గాకున్నఁ బంచేంద్రియములు గలిగి, నన్దులకు నేమిఫలము [1]వ్యర్థములు గాక.

⁠ 317

చ.⁠

కనఁగలిగె న్విలాసములు కమ్మనిచక్కెర లొల్కుపల్కులున్ వినఁగలిగెన్ సుధారసము వెల్లువ పెట్టెడు మోవి యాన నిం పున నునుజెక్కుటద్దములు ముద్దుగొన న్నెలవంక లుంచి చ క్కనివలిగుబ్బచన్నుఁగవఁ గౌఁగిటఁ జేర్ప నిఁ కెఫ్డు గల్గునో.

⁠ 318

క.⁠

ఇదియే కనుటయు వినుటయు, నెదపైఁ బవళింపఁ గనుటయే గనుట రతిన్ మదనజయశంఖరణితం, బెదిరెడుమణితంబు వినుటయే వినుట గదా.

⁠ 319

తే.⁠

కుసుమకోమలమైన యీకోమలాంగి, తనువుభుజబంధనఖరదంతక్షతాల తాపకర్షణముష్టిఘాతాదిసురత, ధార్ష్ట్యమున కోర్చునే యన్యతనువుభంగి.

⁠ 320

సీ.⁠

చక్కెర కెమోవి చవిచూడనేకాని మొనపల్లు చుఱుకన మోపరాదు బలితంపుగుబ్బలు పట్టిచూడనెగాని నునువాడిగోరున నొక్కరాదు [2]అంగంబు మెల్లనే యక్కుఁజేర్పనగాని మించి బిగ్గరఁ గౌఁగిలించరాదు [3]లలితంపురతికేళి నలరింపనేకాని బంధచాతుర్య మేర్పఱపరాదు

⁠

తే.⁠

ఈఁగ వాలినఁ గందు నీయిగురుబోఁడి, కమ్మనెమ్మేను గనఁగఁ బొంకమ్ము దెలిసి యేలికొనవలె మన్మథకేళియందు, నాకుఁ దక్కిన మెప్పింతు నలినముఖిని.

⁠ 321

1. వంధ్యములు గాక
2. తనులత యెదను మెల్లనఁ జేర్పనే కాని
3. లలి రతిక్రీడల నలరింప