పుట:Dashavathara-Charitramu.pdf/291

⁠

బనిలేనిపని పెట్టుకొని నందసుతుని గేహమున కేగుదురు నూఱారుమాఱ్లు తమినిబ్బరమునఁ జెంతలవారి నెఱుఁగక కులుకుదు రాశౌరికెలన నిలిచి

⁠

తే.⁠

కమ్మవిలుకానిచేకీలుబొమ్మ లనఁగ, సమ్మదంబునఁ బసిగాపుకొమ్మ లట్టు లెమ్మె నడయాడుదురు సంతతము మాన, సము వెన్నునియందు మగ్నమ్ము గాఁగ.

⁠ 69

క.⁠

ఈకైవడిఁ గృష్ణుఁడు వ్రజ, కోకిలవాణులను మరులు కొల్పె మనోజ వ్యాకులితలైన వారలఁ, జేకొని క్రీడింపఁదలఁచి చిత్తములోనన్.

⁠ 70

మ.⁠

కమలావల్లభసౌఖశాయ నికమాగచ్ఛద్వచోవల్లభా శ్వమణీస్వాగతికంబు గైరవనుహృత్సరక్తికంబాపగో ద్యమ మాశబ్దిక మంగభూవిజయయాత్రావావదూకంబునై కమనీయంబుగ మించె నంతట శరత్కాలంబు భూపాలకా.

⁠ 71

తే.⁠

ఆశరత్కాలమునఁ బూర్ణిమావసరము, నందు రవి జాఱెఁ జంద్రోదయంబు మీఱెఁ దనరె నిరుదెసఁ గెంజిగి ధవళరుచియుఁ, గీరహయునిప్రతాపసత్కీర్తు లనఁగ.

⁠ 72

మ.⁠

స్మరతేజంబు జనించె నించె దివి సచ్చక్రంబు చక్రంబు దు స్తరమోహాబ్ధి భ్రమించె మించెఁ దుహినాసారంబు సారంబులౌ నరవిందంబులు తీరెఁ దీరెననెఁ గల్హారంబు హారంబుడాల్ నెరయన్ వెన్నెలమించె మించె విటసందేశంబు దేశంబులన్.

⁠ 73

సీ.⁠

అట్టివెన్నెలలోన యమునాతటంబున ననిచిన శృంగారవనములోనఁ బారిజాతముక్రింద మారు గెల్చినభంగి నంగుమీఱఁ ద్రిభంగి యగుచు నిల్చి పదముపై వేఱొకపద ముంచి జాళువావన్నెదుప్పటివలెవాటు మించ సాచీకృతానన జలజాతవేణురంధ్రములయందుఁ గరాంగుళము లమర్చి

⁠

తే.⁠

ప్రౌఢి మీఱంగ మదనగోపాలమూర్తి, గాన మొనరించె నలతానమానములకు మానములు వీడ గోపికామానవతులు, గీతికాదూతికాసమాహూత లగుచు.

⁠ 74

సీ.⁠

కెంగేల జలపాత్ర గీలించి యెలదోఁట త్రోవగా నవ్వలదూఁటె నొకతె [1]యత్త యెక్కడి కంచు నడుగ నెక్కడకి లే దిదిగొ వచ్చెదనందు నేఁగె నొకతె పొరుగింట నుండు మాపొరుగింటిపడుచును చూచి వచ్చెద నంచు లేచె నొకతె మంచినీళ్ళకుఁ బోయి మఱలివచ్చెద నంచు వేడ్క మీఱఁగ నేఁగె వెలఁది యొకతె

⁠

తే.⁠

త్రోవలో తోడికోడలు పోవఁ జూచి, యేడకే యన్న నదియు నీ వేడ కన్నఁ గూయకుమటంచు నిద్దఱుఁ గూడి తోడి, దొంగలై పోయి రాగోవధూర్తుకడకు.

⁠ 75

చ.⁠

కడవెఁడువేఁడినీళ్ళ జలకంబయి కమ్మనిపాలు వంటకం బిడిన భుజించి నాథుఁడు శయించిన వీడెము వేసికోక య

⁠

1. కోడెలు విడిపించుకొనె నంచు వాకిటి మఱఁది లోపలి కంచి జరగె నొకతె
   మగఁడు నిద్దురవోవ మంచ మించుకసద్దు గాకుండ దిగజాఱి కదలె నొకతె