పాదగోపనము
| చ. |
నరవరధీరగుప్తకృపణావరభూధవమన్యువేగజే
త్రరియుతధీరతాలఘుతరావనభృల్లలితాభభూసురా
త్యురుఘనభావమావిభవయుక్తరమావహవత్సనిర్మలా
వరకృప ధన్యుఁ జేయు రఘువల్లభ రాఘవ భక్తవత్సలా.
| 192
|
అనులోమవిలోమము
| క. |
మానవపాయజనుతశివ, మానధనాసారభవనమదసదననదా
దానవదసదమనవభర, సానాధనమానశినుత జయపావనమా.
| 193
|
అష్టదళపద్మబంధము
| స్రగ్ధర. |
హారీనిత్యాసనర్మాహరవినుతనయాత్యాయసత్రావిరాధీ
ధీరానిత్రాసయత్యాధృతపదనతధాత్రీపదివ్యాభరాకా
కారాభవ్యాదిపత్రీడ్గమన శుభగుణగ్రామసక్తాసరామా
మారాసక్తాసమగ్రామహిత వరధనుర్మాససత్యాదిరీహా.
| 194
|
| క. |
అని బ్రహ్మాదులు వొగడఁగ, విని సంతస మొందు రామవిభునకు భక్తిన్
వినుతి యొనర్చి సమీరణ, తనయుం డిట్లనుచుఁ బొగడెఁ దనవాక్ప్రౌఢిన్.
| 195
|
ఉత్పలమాలికలో మంజుభాషిణియను వృత్తము
| ఉ. |
భ్రాజితవిక్రమా వికచపంకజపత్త్రవిలోచనా రణ
క్ష్మాజితదానవా విమలకార్తికచంద్రనిభాననా మహా
రాజశిరోమణీ జనకరాజలలామకుమారికామనో
జ్ఞాజలజాప్తతేజ యతిసన్నుత చారుగుణోన్నతా హరీ.
| 196
|
| క. |
అని హనుమంతుఁడు పొగడఁగ, విని వేడుక మీఱ రామవిభుఁడు ధరిత్రీ
తనయఁ గని చెలువ వింటే, నను బొగడెడి పద్యముననె నైపుణి మెఱయన్.
| 197
|
| మంజుభాషిణి. |
వికచపంకజపత్త్రవిలోచనా, విమలకార్తికచంద్రనిభాననా
జనకరాజలలామకుమారికా, జయతి సన్నుతచారుగుణోన్నతా.
| 198
|
| మ. |
అని నాస్తోత్రము మంజుభాషిణి త్వదీయస్తోత్రము న్గర్భితం
బును నైమించ రచించె నందు ననినన్ భూపుత్రి మోదంబుతోఁ
దనచేహార మొసంగ మారుతియు ముక్తాదామముం దాల్చి చె
ల్వెనసెన్ స్ఫాటికమాలికామహితవాణీశానుచందంబునన్.
| 199
|
| తే. |
వారివారి యథోచితవైఖరులను, బనిచి కృతయుగధర్మంబు ప్రబల సకల
యాగములు చేసి జనులు సౌఖ్యములఁ బొదల, జగములను బ్రోచు శ్రీరామచంద్రవిభుఁడు.
| 201
|
