పుట:Dashavathara-Charitramu.pdf/243

⁠

గటకటా యికనైనఁ గరఁగెఁగా మనసంచు మురియుచుఁ జేరరా ముక్కు వట్టి యేసీమసరసంబు లివి యమ్మ నేఁ జెల్ల యనిన నీ వెఱుఁగవే వనిత యింత

⁠

తే.⁠

జాణవయ్యును మాసీమసరస మనుచు, మొలకరాచూరిఁ బెదవితో ముక్కు జవిరి చెవులుఁ గూబలతోఁ గోసి చేత నిడిన, నరిగె ముక్కిఁడి యోలక్ష్మణా యటంచు.

⁠ 45

తే.⁠

అరిగి ఖరదూషణాది దైత్యాధిపతులు, దర్పబలసంయుతులఁ జతుర్దశసహస్ర రథికముఖ్యులఁ దెచ్చె సంగ్రామమునకుఁ, దద్బలంబులఁ జెండెఁ [1]గోదండధరుఁడు.

⁠ 46

ఉ.⁠

ఆహరివంశమౌళి ప్రథమాహుతి చేసె ఖరుం బ్రభాతవే ళాహవభూమి బాహుజమహానలకీలల దూషణున్ ద్వితీ యాహుతి చేసె నత్రిశురు నవ్వలియాహుతి చేసేఁ దోడుతో నాహుతి సర్గదోషపరిహారముగా విధిచోదితక్రియన్.

⁠ 47

వ.⁠

అప్పుడు.

⁠ 48

సీ.⁠

అరవీడుకొప్పుతో నపరంజిచాయచెక్కులధళాలను కమ్మతళుకుతోడ జాఱుపయ్యెంటతో జంటఱవికలోన గమకించుగుబ్బజక్కవలతోడ సడలెడునీవితో జఘనస్థలిని మ్రోయు మొలనూలిచిఱుగంటమ్రోఁతతోడ గిలుకుమెట్టియలతోఁ గలహంసములు గెల్వనవుజాళువాయందెరవళితోడ

⁠

తే.⁠

జిఱునగవుమోముతోడను సిగ్గుతోడ, సొలపుఁజూపులతోడ పైవలపుతోడ సీత చనుదెంచి కౌఁగిటఁ జేర్చె రాము, ఖరముఖవిరాము వీరశృంగారధాము.

⁠ 49

చ.⁠

ఖరకరకాండకాండ మెద గాఁడిన యప్పుడు పారవశ్యముం బొరయని రామభూవిభుఁడు భూమిసుతాకుచఘట్టనంబునం బరవశుఁడయ్యెఁ జన్గవనెపంబునఁ గంతుఁడు పద్మకోశపున్ శరముల నేసెఁ గాదనినఁ జన్మొనలంటి యురంబు నాటునే.

⁠ 50

తే.⁠

శూర్పణఖ యంతఁ దననేర్పు శోభిలంగ, రామకర్పూరగంధిని బ్రణుతి సేయఁ గపటమునఁ దెత్తునని దశకంధరుండు, పంపె మారీచు జానకి బ్రమయఁజేయ.

⁠ 51

మ.⁠

అల మారీచుఁడు నంతఁ గాంచనమృగంబై పర్ణశాలాగ్రత స్థలి నానావిధచేష్టలన్ మెలఁగ గోత్రాపుత్త్రికాలోచనం బులకుం గల్గెను నుత్తమంబయిన సమ్మోదంబు చిత్రం బె యిలలో నేరిసరూపదర్శనముచే నింపొంద వీక్షింపమే.

⁠ 52

శా.⁠

స్త్రీచాపల్యముచేతఁ దెమ్మనియెఁ బో సీతాలతాతన్వి తా నేచందంబున లేడివెంబడిని బోయెన్ రామచంద్రుం డహో తూచా జానకివాణి తప్పఁడుగదా దూరం బెఱింగెన్ బళీ యాచోఁ బోవలదంచుఁ దెల్పె ననుజుం డైనన్ సుధీశాలిగా.

⁠ 53

1. మార్తాండకులుఁడు