పుట:Dashavathara-Charitramu.pdf/162

5. వామనావతారకథ

పంచమాశ్వాసము

⁠

సత్యాత్మజవాసవి నాసత్యవిలాసదాన నవ్య[1]నిధిశ్రే ణీసావత్న్యాన్వితీయము నాసరయూకృష్ణ పద్మనాభునికృష్ణా !

⁠ 1

తే.⁠

అవధరింపుము జనమేజయక్షితీశ, శేఖరున కిట్టు లను వ్యాసశిష్యమౌని రాజ యిఁక వామనావతారక్రమంబుఁ, దెలియఁజెప్పెద వినుమని దెలుపఁదొడఁగె.

⁠ 2

శా.⁠

శ్రీరత్నాకరకన్యకారమణుఁ డారీతిం జగన్మోహనా కారోదారవధూవిలాసముల రత్నశ్రేణిఁ గన్బ్రామి సొం పారంగా నమృతం బొసంగ బలియుండై దేవసైన్యంబుతో స్వారాజన్యుల గెల్చి యేలుకొనియె న్సౌవర్గసామ్రాజ్యమున్.

⁠ 3

మహాస్రగ్ధర.⁠

బలదైత్యారాతి వజ్రప్రతిహతతనుఁడై భండనక్షోణిలోనం గులశైలంబోయనం భంగురుఁడయినబలిం గొంచు బాణాదితత్పు త్రులు శుక్రాచార్యుఁ జేర్పం దులగనని దయం దోడుతో జీవితంబు కలిగించె న్మంత్రశక్తి న్గలవె గురునిచేఁ గాని కార్యంబు లెందున్.

⁠ 4

క.⁠

బ్రదికినబలిదైత్యేంద్రుం, డెదఁ దనయపజయముఁ దలఁచి యెంతయు వెతచేఁ గొదుకుచు నిట్లని పలికెం, ద్రిదశాహితగురుని న్యాయనిష్ఠురఫణితిన్.

⁠ 5

శా.⁠

నీ కే శిష్యుఁడనయ్యుఁ దుచ్ఛదివిజానీకంబుచేఁ బన్నముం గైకొంటింగద చాలదే యిదియయే కార్పణ్య మొందింపఁగా నా కీజీవిత మిచ్చినాఁడ వవులే నన్నందఱు న్నవ్వఁగాఁ బాకారాతికి నింటిబంటుగ నొనర్పం జూచితే భార్గవా.

⁠ 6

మ.⁠

అని నమ్రాననుఁడైన దైత్యపతి పల్కాలించి నీ కేల జా లిని జెందంగ వితా జయాపజయ ము ల్లేవా గణింపం జగం

⁠

1. నదీశ్రేణీ