తృతీయతరంగము
113
సీ. ధారుణీతలమెల్లఁ దనుదానె యుప్పొంగెఁ
బలుచోరజారబాధలు తొలంగెఁ
జేరికొల్చినవారి కోరికల్ ఫలియించె
విమతులకెల్లను వెత జనించె
బంధుసంతతికి సౌభాగ్యంబుఁ దనరారెఁ
గవుల దారిద్ర్యము ల్కడలి దూరె
సకలసజ్జనులకు సంతోషములు మీఱె
గాయకకోటికిఁ గఱవు తీఱె
నీవు పట్టాభిషిక్తుఁడై నిఖిలమైన
ధరణిజనులకు రక్షింపదలచినపుడె
భళిర! తిరుతొండమాన్ ప్రభుకుమార!
విజయరఘునాథ! తొండమాన్ విభువజీర.
సీ. సకలసద్గుణముల జానకీపతి జోడు
మరి నీకు “నారణప్పరశ” బిరుద
గాంభీర్యగరిమచేఁ గలశాబ్ధి నీ కెన
“వరవాకమాలికాభరణ” బిరుద
శౌర్యవిస్ఫురణచే సవ్యసాచీడౌను
ధర నీకు “వర్త్కాలతర్క” బిరుద
వితరణఖ్యాతిచే విధుఁడు నీ సాటియౌ
“జయవీరరమణవాళ” చండబిరుద
ధైర్యమున నీకు మేరుభూధరము దీటు
తనర వడుశురుకులదండధారిబిరుద
భళిర! తిరుతొండమాన్ ప్రభుకుమార!
విజయరఘునాథ! తొండమాన్ విభువజీర.
