112
చాటుపద్యరత్నాకరము
సీ. శ్రీహరికరుణావిశేషవైఖరులచే
సామ్రాజ్య మేలుము జయము నీకుఁ
జంద్రజూటునిదయాసాంద్రవైభవముచే
సంపదల్ గాంచుము జయము నీకు
వారిజోద్భవుకృపాపారసత్ప్రేమచే
శౌర్యంబుఁ బూనుము జయము నీకు
మలయకేతనపాండ్యమధురేశువరముచే
సత్కీర్తిఁ జెందుము జయము నీకు
ననుచుఁ గవిబుధపాఠకుల్ వినుతి సేయ
విక్రమస్ఫూర్తికీర్తుల వెలసి తౌర!
భళిర! తిరుతొండమాన్ ప్రభుకుమార!
విజయరఘునాథ! తొండమాన్ విభువజీర.
సీ. పైఠాణిపాగపై పైఁడిరేకుతురాయి
చొక్కమై మిక్కిలిసొంపు నింప
హురుమంజిముత్యంపుటొంట్లతో మగరాల
బావిలీలహొరంగు పంతగింపఁ
బూర్ణచంద్రునిరీతిఁ బొలుపొందుమోముపై
సిస్తుకస్తురిచుక్క జిగి వహింప
మైని ధరించిన మణిభూషణావళుల్
కొమరొప్పుకాంతులఁ గ్రుమ్మరింప
నీవు పట్టాభిషిక్తుఁడై నిఖిలజనులు
గొలువ మాణిక్యపీఠిపైఁ జెలగితౌర
భళిర! తిరుతొండమాన్ ప్రభుకుమార!
విజయరఘునాథ! తొండమాన్ విభువజీర.