114
చాటుపద్యరత్నాకరము
సీ. కత్తికిఁ బచ్చిపూల్ గలిగిన నెఱయోధ
బొడ్డుగంట గుఱాని కిడ్డజోత
కపికేతనము గల్గు కదనరంగకిరీటి
వీరకంకణముచే మీఱు మేటి
ప్రతిలేని సింహతలాటంబు గల ధీర
విజామరంబులు వెలయు శూర
గండపెండేరంబుఁ గైకొన్న దునెదారి
పచ్చగొడ్గులు గల్గు ప్రధనశౌరి
పంచెవన్నెలపావడల్ పరగు నేత
మానరక్షణబిరుదంబుఁ బూనుదాత
భళిర! తిరుతొండమాన్ ప్రభుకుమార!
విజయరఘునాథ! తొండమాన్ విభువజీర.
సీ. మదనుని యాకారమహిమంబు విడనాడి
యనిరుద్ధు సౌందర్య మణగఁద్రొక్కి
చందురు నెమ్మేని సారము నిరసించి
మహిని జయంతుని మట్టుపఱచి
నలకూబరుని నిండుచెలువమ్మునను రెమ్మి
నకులుని శృంగారనయము గేరి
నలరాజురూపంబు ననుఁజూచి యణకించి
గాంగేయుచందంబుఁ గాకుసేసి
కృష్ణదేవుని యందంబుఁ గ్రిందుపఱచి
సాటిలేకుండ మీఱె నీ చక్కదనము
భళిర! తిరుతొండమాన్ ప్రభుకుమార!
విజయరఘునాథ! తొండమాన్ విభువజీర.
