ఈ పుట అచ్చుదిద్దబడ్డది
రెండో అంకము
________
ఒకటో రంగము
(చింతామణియింటిలో సాధు బిచ్చగాడు)
సాధు - నీ కీయింటి వద్దనేనా పని?
బిచ్చ - ఔను - మాట యిచ్చినాను, దానిని మరతునా?
సాధు - పనేదో చెప్పు వింటాను.
బిచ్చ - చిన్న పనే. ఈయింటియజమాని తానిక్కడ లేనప్పు డిక్కడికి ఎవరెవరు వత్తురో చూడుమని నన్నంపినారు. ద్వారము దగ్గర ఉంటిని, వర్షము కురుస్తూంటే లోనికి వచ్చినాను. స్త్రీ లితరుల వంచింపబోయి వారే వంచింపబడుదురు. నేను పరదేశినని కేక వేసినాను - అటుకులు, బెల్లము, పెరుగు, పెట్టినారు. నన్ను పోల్చినారేమో - "ఆమాడుమొగమే పంపించియుండు"నన్నారు. ఇల్లు ఎవరో తుడుస్తూఉంటే జల్లు కొట్టుతున్నదని కేక వేసితిని, ఈమూల నుండు మన్నారు. నీవు రాత్రి అంతా మేలుకొని యుంటి వెందుచేత?