పుట:Bhoojaraajiiyamu.pdf/75

భోజరాజీయము ఆశ్వా 1

క.⁠

మనమునఁ దలపోయుచు నటు గను మోడ్చినవేళ యొక్క ఘనతరతేజో ధనుఁ డస్మత్స్వప్నంబున ననుకంపాయత్తచిత్తుఁ డై పొడచూపెన్.

⁠ 60

సీ.⁠

ఆభవ్యుఁ డఖిలచరాచరాంతర్గతుం        డైనయాదిమవిష్ణుఁ డని యెఱింగి యాదేవు దివ్యభవ్యావతారంబుల        నిట్టి యద్భుతమూర్తి యెద్ది యొక్కొ యని చూచుచో మందహాసచంద్రిక గల్గు        సింహవక్త్రంబునఁ జెలువమైన మనుజదేహంబును మహితాంకతలమున        నక్షీణసంపత్కటాక్షరుచులఁ

⁠

తే.⁠

దనరుకాంతయును, సుధాధామరుగ్ధామ సమము లైన శంఖచక్రములును, దివ్యమాల్యములును, దివ్యాంబరంబులు దివ్యభూషణములు దేజరిల్ల.

⁠ 61

క.⁠

ఆమూర్తికి నీమూర్తికి నేమి విభేదం బనంగ నింపగు రూప శ్రీమహిమఁ దనరి మద్గురుఁ డామూర్తిన కదిసి యుండి యాదర మెసఁగన్.

⁠ 62

ఆ.⁠

'ఇందు రమ్ము వత్స యేను నీమీఁది కృ పాతిశయముపేర్మి నరుగుదెంచి నాఁడ' నమచుఁ బిలిచి నన్నాదరించి ప్ర హర్షవార్ధి నోలలార్చి యపుడు.

⁠ 63

చ.⁠

అదె జగదేకవంద్యుఁ డగు నాదినృసింహుని దివ్యరూపసం పదఁ గనుఁగొంటి సర్వసులభంబుగ; నీకృతిలక్ష్మికి న్వరుం డొదవె, ఫలించె నీతలఁపు, యోగ్యుఁడవైతి, యశోవిభూతి క య్యుదధివరేణ్యుచాడ్పున మహోన్నతజీవనవైభవంబునన్.

⁠ 64