పల్లమునకు వెళ్లుట - To observe the offing - సముద్రముమీద నీరు ఆకాశము కలిసియున్న స్థలమును చూచుట.
పాతఓడ - Hulk - సబురుకు మరి పనికిరాక ఒకమూల పడివేసిన ఓడ.
పాతబడుట - Broken backed - ప్రాతదయిగాని, ప్రమాదము వల్లగాని అల్లలాడుచు అనిమి అమరాలు క్రుంగిపోవుట.
పాలకాయలు - Hatches - కుతిలీమీద ఉన్న తలుపులు.
పాలకాయ బద్దెలు - Batten - పొడుగుపాటి సన్నని కఱ్ఱబద్ద. వీనిని పాలకాయలమీద తాపుదురు.
పాలకాయలకు బద్దెలువేయుట - To Batten down the hatches - పాలకాయలమీద బద్దెలువేసి బిగించుట.
పావుడాయలు - Marling spike - త్రాళ్ల పురివిప్పుటకు ఇనుముతో గాని కఱ్ఱతోగాని చేసిన గుండుసూది.
పావిడోలు - Fid - చూ. చారుకట్లు.
పిలోతులు - Rullocks, bitts - తెడ్లు వేయుచున్నప్పుడు వానిని ఉంచుటకు ఓడప్రక్కలను ఉండు కన్నములు - చిన్న పిలోతులకు 'ముక్కులు' అని పేరు - చూ. ముక్కులు.
పురాలుకట్టుట, - చుట్టుట, - వేయుట, - Keekling, rounding, serving - త్రాటికిరాపిడి హెచ్చుగా తగులకుండ దానిచుట్టును ట్వైను చుట్టుట.
పూటుతక్కువ ఓడ - Crank - బరువుచాలక నీటిమీద ఎక్కువగా తేలిఉన్న ఓడ.
పెద్దకొయ్య - నాలుకొయ్యల ఓడలో అమరమునుండి రెండవ కొయ్య - Mainmast.
పెద్ద తండేలు - Chief Commander in a ship - నావమీది అందఱిమీదను అధికారి.
పేటీలాను - Gasket - చాప ఎత్తినతరువాత కదలకుండ దాని చుట్టును వేసినత్రాడు.
పేటీవేయుట - To furl - చాప ఎత్తి పేటీలాను కట్టుట.
పొడువు - Fore-and-aft- అనిమి అమరాలప్రక్కగా ఉన్న ఓడకొలత.
పొంతా(లు) - Bend - లంగరుకుగాని, మరిఒక త్రాడుకుగాని కట్టి ఉన్న త్రాడుకొన.
