రచయితల నుండి కొన్నిపద్యములేఱి పాథకుల ముచ్చటకై యిచ్చుట యీ రచనలోని యాచారము. ప్రసంగములో సత్యనారాయణగారి పద్యములు మున్నేకొన్ని యెన్నితిని. వారి ప్రత్యక్షరము నెన్నఁదగ్గదే యైనను 'రామాయణ కల్పవృక్షము' నొక కొమ్మ దులిపి కొన్ని పూలు రాలిచెదను.
క. పరసుఖ దశా పరీపా
క రామణీయక మెఱుంగుఁ గచసాన్నిథ్యా
త్తరమణఁ బ్రథమ స్పర్శ
ప్రరూఢి మెడవొలిచె సూత్రబంధనవేళన్.
గీ. కరరుహంబులు చర్మంబు గాకపోయె
నవియుఁ బులకించునేమొ ప్రియగళాత్త
మైన స్పర్శసుఖా ప్తిఁ బ్రియాగళంబు
నంటి బాధించు వీని కేలా ! సుఖంబు.
క. తలఁ బ్రాల వేళఁ బడచును
నలఘుచ్ఛవి నెగురు ముత్తియంబుల మిషచే
నలుకేళకుళులు వొలిచెను
నలుగురు దంపతులు మోహన స్తంభములై.
గీ. నాలుగవ పాలుగా నింద్రనీలమణులు
మణులు కలియంగఁ బోసిరో యనఁగ బొలిచె
ముత్తెములు చతుర్దంపతి ముగ్ధతను స
మా త్తనీల రక్తచ్ఛవుల్ హత్తుకొనఁగ.
గీ. అలుపములు రెండు మూఁడు ముత్యాలు నిలిచి
సీత పాపటలోఁ జిఱు చెమట పోసె
హత్తుకొని గంధపూఁత ముత్యాలు రెండు
రామచంద్రుని మేనఁ దారకలు పొలిచె.
