పుట:AndhraRachaitaluVol1.djvu/34

వికీసోర్స్ నుండి
ఈ పుట ఆమోదించబడ్డది

శ్లో. విక్రమేణార్జునముఖాః కృష్ణభూపాల తే హితాః
విక్రమేణార్జునముఖాః కృష్ణభూపాల తేహితాః

తొలి శ్లోకములోని పూర్వార్థము తెలుగుగా భ్రమింపజేయును. రెండు మూడు శ్లోకములు మాడుగుల కృష్ణభూపాలుని గుఱించి ప్రశంసించుచు రచింపబడినవి.

సూర్యప్రకాశ కవి భీమలింగ శతకమునుండి రెండు రత్నములు:

క. కాయలు లేని మహీజము
కోయిల లేనట్టి వనము గుడిలేనిపురం
బాయత మొదము జేయవు
కాయజహర! భీమలింగ! కలుషవిభంగా!

క. జీతంబు లేని కొలువును
దాతలు లేనట్టి పురము తమిలేని కవల్
ఖ్యాతిని బొందక యుండును
కౌతుకయుత! భీమలింగ! కలుషవిభంగా!