పుట:Andhra-Sri-Vishnu-Puranamu.pdf/76

శా.⁠

ఓలోకేశ్వర చిత్తగింపుము ధ్రువుం డుత్తానపాదక్షమా పాలశ్రేష్ఠునినందనుండు మిగులన్ బాలుండు నీభక్తుఁడై యేలో కాని మహాతపోనిరతుఁ డై యిట్లున్నవాఁ డాతనిం బోలంజాలరు తొంటితాపసులు మాబోంట్లున్ విరించాదులున్.[1]

⁠ 61

తే.⁠

చెక్కు మీటిన వస గాఱు శిశువుభక్తి, నుగ్రతప మాచరించుచు నున్నయతని యతులతపము విఘ్నంబు సేయంగఁ బూని, పెక్కుమాయలు పన్నితి బెళుకు లేదు.[2]

⁠ 62

చ.⁠

అతులతపంబు పెంపున రమాధిప నీవలనన్ ధ్రువుండు దా నమరపదంబుఁ గైకొనునో యంబుజమిత్రునిఁ బాఱఁదోలునో హిమకరురాజ్య మేలునొ దిగీశులలో నొకఁడై చెలంగునో ప్రమదముతోడఁ దానె మనుపట్ణములన్నియు నాక్రమించునో.[3]

⁠ 63

వ.⁠

అనిన నందకపాణి వజ్రపాణి కిట్లనియె.[4]

⁠ 64

ఉ.⁠

ఇంద్రపదంబుఁ గోరఁడు దిగీశులరాజ్యము లాసనేయఁ డా చంద్రునికల్మిపై మనసుఁ జూఁపడు తా మును పంకజాప్తదై త్యేంద్రులలోకముల్ దలఁపఁ డెన్నఁడు వీరికి లేనిమేలు రా జేంద్రసుతుండు వేఱకటి యిచ్చఁ దలంచుట నే నెఱుంగుదున్.[5]

⁠ 65

ఉ.⁠

ఆతనికోర్కు లెల్లఁ బ్రియమారఁగ నిచ్చి తపంబు మాన్పెదన్ భీతిఁ దొఱంగి యుండు మని పెంపున నింద్రునిఁ బంచి భక్తలో కాతిశయప్రమోదకరుఁ డైనముకుందుఁడు వచ్చెఁ జిన్మయో పేతమనోరథుం డగునరేంద్రతనూజునిపాలి కున్నతిన్.[6]

⁠ 66

సీ.⁠

వారివాహముఁ బోలు వక్షస్స్థలంబున నిందిరాశంప పెంపొందుచుండ భూమిపద్మమువంటిబొడ్డుదామరయందుఁ గమలజచంచరీకంబు మెఱయః గల్పవృక్షంబుశాఖలమించుబాహుల నరిశంఖఫలయుగం బంద మొందఁ బరిపూర్ణచంద్రుతో బ్రతివచ్చుమోమున దరహాసనవసుధాధార లొలుక

⁠

1. చిత్తగింపుము = వినుము, ఏలో = ఏమిటికో.
2. చెక్కు = చెక్కిలి, మీటినన్ = కొట్టినను, బెళుకు = చలనము.
3. అమరపదము = దేవస్థానము, అంబుజమిత్రునిన్ = సూర్యుని, హిమకర = చంద్రునియొక్క, చెలంగున్ = విజృంభించునో, ప్రమదముతోడన్ = సంతోషముతో - ఉత్సాహముతో.
4. నందకపాణి = విష్ణువు, వజ్రపాణి = ఇంద్రుఁడు.
5. చాఁపఁడు= వ్యాపింపఁజేయఁడు, ఇచ్చన్= మనసునందు.
6. తొణంగి = విడిచి, పంచి = పంపి, భక్త...కరుఁడు = భక్తులసమూహమునకు మిక్కుటమైనసంతోషమును కలుగఁజేయువాఁడు, చిన్మయోపేతమనోరథుఁడు = జ్ఞానస్వరూపముతోఁ గూడుకొన్న కోరికగలవాఁడు.