పుట:Andhra-Sri-Vishnu-Puranamu.pdf/59

వ.⁠

అమ్మహామహిమంబునకు నద్భుతచిత్తులై యరిగి తదీయమధ్యంబున శ్వేతద్వీ పంబుఁ గని రందు.[1]

⁠ 161

సీ.⁠

ఘనమైఁ తోపులై కల్పవృక్షంబులు చూపట్టుచుండు నెచ్చోట నైనఁ గామధేనువులు పెన్ గదుపులై దమయిచ్చఁ బొలముల నోరంత ప్రొద్దు దిరుగు నేడఁ జూచిన నాడకాడకుఁ దిప్పలై చింతామణిశ్రేణి చెన్ను మెఱయు నమృతంబు పరిపూర్ణమై సర్వకాలంబుఁ బ్రవహించి నదులలోఁ బాఱుచుండు

⁠

తే.⁠

సురల పెన్నుద్దులై జరామరణభయము లని యెఱుంగక వర్తింతు రెందుఁ బ్రజలు సకలపుణ్యఫలైకనిష్యంద మగుచు నుల్లసిల్లుచు నుండు నాతెల్లదీవి.[2]

⁠ 162

వ.⁠

అమ్మహాద్వీపమధ్యంబున.

⁠ 163

మ.⁠

కని రబ్జాసనముఖ్యనిర్జరవరుల్ కల్పావనీజావళీ కనదుద్యానవనోపకంఠముఁ బతాకావ్రాతహేలావిడం బన సూర్యప్రతిభావకుంఠము నిలింపస్వాంతసంతోషసం జనితోత్కంఠముఁ బద్మలోచననివాసావాసవైకుంఠమున్.[3]

⁠ 164

శా.⁠

ఆవైకుంఠపురంబులోపల సముద్యద్రత్నకాంతిచ్ఛటా శ్రీవిభ్రాజిత మైనయానగరలక్ష్మీమండపం బందు ని చ్ఛావృత్తిన్ సనకాదిసంయములు శశ్వద్వేదవేదాంతవి ద్యావేదుల్ ప్రమదంబునం గొలువఁ గొల్వై యున్నయద్దేవునిన్.[4]

⁠ 165

సీ.⁠

శతకోటిభాస్కరసందీప్తతేజునిఁ బ్రావృట్పయోధరభవ్యగాత్రు శంఖసుదర్శనశార్హ్గగదాహస్తుఁ భీతకౌశేయశోభితకటీరు

⁠

1. అద్భుతచిత్తులు = ఆశ్చర్యము నొందిన మనస్సు గలవారు.
2. తోపు = గొప్పవృక్షములు గలవనము, పెన్ గదుపులు = గొప్పమందలు, ఓరంతప్రొద్దు = ఎల్లప్పుడు, చెన్ను = బాగు - ఒప్పిదము, పరిపూర్ణము = కొఱఁతలేక నిండినది, ప్రవహించి = వెల్లువయై.
3. కల్పావ... కంఠము =కల్పవృక్షపఙ్క్తులచేత ఒప్పుచున్న ఉద్యానవనములు గలదానిని, పతాకా...కుంఠము = టెక్కెముల సమూహములయొక్క విలాసమును ప్రకటించుటచేత సూర్యకాంతిని మఱుఁగుపఱచుదానిని, నిలింప...త్కంఠమున్ = దేవతలమనస్సులకు సంతోషమును పుట్టించునట్టి వేడుకలుగలదానిని, పద్మ... వైకుంఠమున్ = శ్రీవిష్ణునియునికితోడి గృహములు గలవైకుంఠపట్టణమును.
4. సముద్య... విభ్రాజితము = మిక్కిలి వెలుఁగుచున్నరత్నములకాంతిజాలములకలిమిచేత ప్రకాశించునది, నగరన్ = రాజసౌధమునందు, శశ్వద్వేద...వేదులు = అపారములైన వేదములు వేదాంతములు నయిన విద్యల నెఱుఁగువారు.