పుట:Andhra-Sri-Vishnu-Puranamu.pdf/52

⁠

బునఁ జింతింప నిజాంకదేశమున నుద్భూతంబునుం బొందె లో కనుతుం డప్పుడు నీలలోహితుఁ డనంగాఁ బుత్రుఁ డత్యున్నతిన్.

⁠ 120

ఆ.⁠

పుట్టి తనకుఁ బేరు పెట్టు మటంచు నా, నలువయెదుర రోదనంబు నేయ రోదనంబుకతన రుద్రుండ వీ వని, నీరజాసనుండు పేరువెట్టె.

⁠ 121

వ.⁠

వెండియు నతం డేడుమాఱు లెలుంగెత్తి యేడ్చిన వారించి యతనికి భవుండును శర్వుండును మహేశ్వరుండును పశుపతియు భీముండును నుగ్రుండును మహాదే వుండు ననునామధేయంబులు సేసి రుద్రావ్యష్టనామసహితుం డైనయతనికి సూ ర్యజలపృథ్వీపవనవహ్నిగగనదీక్షితచంద్రులను శరీకంబులుగా నొనర్చి యాసూ ర్యాదులకు సువర్చలోషాసుకేశీశివాస్వాహాదిగ్దీక్షారోహిణులం గ్రమంబునఁ బ త్నులం గావించె మఱియును.[1][2]

⁠ 122

క.⁠

హిమగిరికిని మేనకకును, బ్రమదంబుగఁ బుట్టినట్టిపరమేశ్వరి యా దిమశక్తి గౌరిసతియై, యమరెఁ జుమీ యష్టమూర్తి యగురుద్రునకున్.[3]

⁠ 123

ఆ.⁠

ఖ్యాతియందు భృగుఁడు ధాతృవిధాతృలు, నాఁగ సుతుల లక్ష్మి నాఁగఁ గూఁతు నర్థితోడఁ గాంచి యట్టిమహాలక్ష్మి, బ్రియముతోడ హరికిఁ బెండ్లి సేసి.[4]

⁠ 124

వ.⁠

అనిన విని మైత్రేయుం డిట్లనియె.[5]

⁠ 125

క్షీరసముద్రపుత్రి యని ప్రసిద్ధినొందియున్న లక్ష్మీదేవి భృగుపుత్రి యెట్లయ్యె ననుశంకను పరిహరించుట

క.⁠

భృగుకన్యక యని లక్ష్మిని, దగఁ జెప్పితి వంబురాశితనయ యటంచున్ జగమెల్లఁ జెప్ప విందుము, జగదేకస్తుత్య యేమిచందం బనినన్.

⁠ 126

వ.⁠

పరాశరుఁ డతని కిట్లనియె. సర్వభూతమయుం డైనవాసుదేవుని మాయాశక్తి లక్ష్మీరూపంబున నతనికి సహాయయై విహరించుం గావున జగంబులకు సంపత్క రంబు లైనపరికరంబు లెన్ని గల వన్నియును శ్రీచిహ్నంబు లనిచెప్పి మఱియు నిట్లనియె.[6]

⁠ 127

సీ.⁠

బోధబుద్ధులు శైలభూములు ధర్మక్రియలు స్రష్టృసృష్టులు జలధివేల లును దినయామినులును హుతాగ్నిస్వాహలును శంకరాంబికలును దినేశ్వ రప్రభలును మఘప్రాగ్వంశశాలలు శ్రీపతిశ్రీలును యూపచితులు సామగీతులు సుధాధామశాంతులు నిధ్మదర్భలు మఱి యజ్ఞదక్షిణలును

⁠

1. అష్టమూర్తి యనునభిధానంబు చేసె మఱియును - అని పాఠాంతరము.
2. దీక్షితుఁడు = యజమానుఁడు.
3. ప్రమదంబుగన్ = సంతోషముగా.
4. నాఁగన్ = అనఁగా.
5. భృగుకన్యక = భృగువుకూఁతురు, అంబురాశితనయ = సముద్రునికూతురు, జగదేకస్తుత్య = లోకమునందు ఒక్కఁడవయి స్తుతింపఁదగినవాఁడా.
6. సంపత్కరములు = సంపదను కలుగఁ జేయునవి, పరికరంబులు = ఉపకరణములు, చిహ్నములు = గుఱుతులు.