పుట:Andhra-Sri-Vishnu-Puranamu.pdf/306

వ.⁠

ఇట్లు కనుంగొని వినయావనతవదనయై తనకునైన ప్రజాభారపరిపీడవలనఁ గలి గినబడలిక యెఱింగించి నాకునయిన యిమ్మహాభారం బపయింపకుండిన నిర్వ హింపనోపనని కంసశిశుపాలజరాసంధదుర్యోధనబాణాసురనరకధేనుకారిష్ట ప్రలంబశంబరకేశిప్రముఖు లనువారి వారిబంధుమిత్రపుత్రభ్రాతృసుహృత్ప్ర ధానవర్గంబులను వేఱువేఱం బేర్కొని వీరివలనిభారంబు మానుటకు నుపా యంబు సేయుమనిన.[1]

⁠ 18

ఉ.⁠

నీరజసంభవుండు ధరణీసతిఁ గన్గొని నీకు నైనయీ భూరిభరంబు మాన్ప ననుబోఁటి కశక్యము భక్తలోకర క్షారతుఁడున్ జగంబులకుఁ గారణభూతుఁడునై వెలుంగు ల క్ష్మీరమణుండు నేర్చు నెఱిఁగింపుద మివ్విధ మమ్మహాత్ముతోన్.[2]

⁠ 19

వ.⁠

అని యాప్రొద్దె కదలి.[3]

⁠ 20

మ.⁠

దివిజశ్రేష్ఠుఁడు తాపసోత్తములతో దిక్పాలకశ్రేణితో నవనిం దోడ్కొనివచ్చి కాంచె జగదేకానందచిద్రూపమున్ వివిధామ్నాయకళాకలాపము సుపర్వీగీతసల్లాపమున్ ధవళద్వీపముఁ బుణ్యరూపము నవిద్యావేద్యసంతాపమున్.[4]

⁠ 21

వ.⁠

అమ్మహాద్వీపమధ్యం బనేకశతసహస్రసూర్యకిరణంబులను సోల్లుంఠనంబు గావించు నకుంఠతేజంబుగల వైకుంఠపురోపకంఠంబునఁ గంఠోపరికంఠీరవుండును సకల దేవతాకంఠీరవుండును నై యిచ్ఛావిహారంబులు సలుపుచున్న పన్నగాశనవా హనుం బొడగాంచి సాష్టాంగదండప్రణామంబులు చేసి యిట్లని స్తుతియించె.[5]

⁠ 22

సీ.⁠

చంద్రశేఖరవంద్య చంద్రార్కలోచన చంద్రశైలాధార చంద్రవస్త్ర

⁠

1. పరిపీడ = అంతట వ్యాపించినపీడ, అపనయింపకుండినన్ = పోఁగొట్టకుండిన, నిర్వహింపన్ = చెడక మనుటకు.
2. భూరిభరంబున్ = మిక్కుటమైన బరువును, ననుబోఁటిన్ = నావంటివానికి, అశక్యము = శక్యము కాదు, భక్తలోకరక్షారతుఁడు = భక్తులసమూహమును రక్షించుటయం దాసక్తుఁడు.
3. ఆప్రొద్దె = అప్పుడే.
4. జగదేకానందచిద్రూపమున్ = లోకమునందు ముఖ్యమైన జ్ఞానానందస్వరూపము గలదానిని, వివిధామ్నాయకళాకలాపమున్ = నానావిధములైన వేదవిద్యలయొక్క సముదాయము గలదానిని, సుపర్వీగీతసల్లాపమున్ = దేవతాస్త్రీలయొక్క పాటలనెడు ముచ్చటలు గలదానిని, ధవళద్వీపమున్ = శ్వేతద్వీపమును, పుణ్యరూపమున్ = పుణ్యమే ఆకృతిగాఁ గలదానిని, అవిద్యావేద్యసంతాపమున్ = అజ్ఞానముచేత తెలియఁదగిన సంతాపము గలదానిని - అజ్ఞానమును పోఁగొట్టుదాని ననుట.
5. సోల్లుంఠనంబు = మర్మభేదక మైనపరిహాసము, అకుంఠ = మొక్కపోని - తక్కువకాని, ఉపకంఠంబునన్ = సమీపమునందు, కంఠోపరికంఠీరవుండు = మెడకు మీఁద సింహాకృతియైనవాఁడు - నరసింహుఁడు, పన్నగాశనవాహనున్ = గరుడవాహనుని.