పుట:Andhra-Sri-Vishnu-Puranamu.pdf/295

⁠

లును బుట్టి రయ్యిందువదనల నందఱు వసుదేవుండు వివాహంబయ్యె నుగ్రసేను నకునుఁ గంసప్రముఖులైన కుమారులు పదుండ్రు పుట్టిరి.

⁠ 353

క.⁠

భజమానునకు విదూరథుఁ, డు జనించె నతనికి శూరుఁడు గలిగె నాభూ భుజూనకుఁ బ్రతిక్షత్రుం డను, సుజనహితుఁడు పుట్టె విజయశోభితుఁ డగుచున్.

⁠ 354

క.⁠

వానికి భోజుఁడు భోజ, క్ష్మానాథునకును హృదీకజననాథుఁడు నా భూనాథునకును గృతవ, ర్మానందప్రముఖు లుదయమయిరి గరిమతోన్.

⁠ 355

క.⁠

శూరుఁడు మారిష యనువని, తారత్నమునందుఁ బుత్రదశకముఁ బడసెన్ వారలలో వసుదేవుఁడు, ధీరుండై జగములందుఁ దేజముఁ గాంచెన్.

⁠ 356

ఉ.⁠

ఆవసుదేవుజన్మసమయంబున వేల్పులు గూడి ధాత్రిలోఁ మావిభుఁ డీమహాత్మునికుమారకుఁడై యుదయించి శ్రీలుమా కీవుతమంచు మించి మొరయించిరి యానకదుందుభిప్రవా ద్యావళిఁ దన్నిమిత్త మతఁ డానకదుందుభి యయ్యె ధాత్రిలోన్.[1]

⁠ 357

వ.⁠

మఱియు నవ్వసుదేవునికి భగినులై పృథయును శ్రుతదేవయు శ్రుతకీర్తియు శ్రుతశ్రవయు రాజాధిదేవియు ననువా రేవురుకన్యకలు పుట్టి రందు.[2]

⁠ 358

క.⁠

కుంతి యనుధరణినాథుఁడు, సంతానములేక శూరుసమ్మతమున నా యింతులలోపలఁ బృథ యను, కాంతం గొనిపోయెఁ బుత్రికామోహమునన్.

⁠ 359

ఉ.⁠

ఆనళినాక్షి పౌరవకులాగ్రణి పాండునిఁ బెండ్లియాడి ధ ర్మానిలవాసవాంశభవు లైనయుధిష్ఠిరభీమపార్థులన్ సూనుల మువ్వురం బడసె సూర్యువరంబునఁ బెండ్లి లేనినాఁ డానతవైరిఁ గర్ణుఁ డనునంగపతిన్ గనియెం బ్రియంబుతోన్.[3]

⁠ 360

క.⁠

ఆవనిత సవతి మాద్రీ, దేవి వడసెను నకులసహదేవు లనంగా దేవత లగునశ్వినుల మ, హావరముల పెంపువలన నాపాండునకున్.

⁠ 361

వ.⁠

మఱియు శ్రుతదేవను వృద్ధధర్ముం డనుకరూశపతి వివాహంబై దానియందు నేవురు కుమారులం బడసె రాజాధిదేవి నవంతీశ్వరుండు వివాహంబై విందానువిందుల నిరువురం బడనె శ్రుతశ్రవ యనుదానిఁ జేదివిభుండయిన దమఘోషుండు వివాహంబయి శిశుపాలుం డనుకుమారునిం బడసె.

⁠ 362

సీ.⁠

పూర్వకాలంబునఁ బురుషోత్తమునితోడివైరంబువలన నుదారవిక్ర మాసురపతి దితియందు హిరణ్యకశిపుఁ డనఁబుట్టి నృసింహువలన వధ నొంది వెండియు నధికప్రతాపంబు దనర దశాననత్వము వహించి యఖిలభోగంబుల ననుభవించి త్రిలోకసేవితుఁ డగురాముచేతఁ జచ్చి

⁠

1. ఆనకదుందుభిప్రవాద్యావళిన్ =తప్పెట భేరీ మొదలుగాఁగల వాద్యసమూహమును.
2. భగినులు = తోడఁబుట్టిన ఆఁడువారు.
3. పౌరవకులాగ్రణి = పూరువంశశ్రేష్ఠుఁడు, ధర్మానిలవాసవాంశభవులు = యముఁడు వాయువు దేవేంద్రుఁడు వీరియంశములయందు జనించినవారు, ఆనతనైరి = వంపఁబడినశత్రువులుగలవానిని - ఎల్లశత్రువులను లోఁబఱచుకొన్నవానిని.