పుట:Andhra-Sri-Vishnu-Puranamu.pdf/289

⁠

కంబులను తురంగంబులం బూన్చినరథంబు సూతుం డైనదారుకుండు తెచ్చు టయు రథారోహణంబు చేసి యతిత్వరితవేగంబున వెనుకొని చనిన.

⁠ 299

చ.⁠

గురుతరవాయువేగమున గోడిగయున్ శతయోజనంబు లు ద్ధురగతిఁ బాఱిపాఱి దగతో మిథిలానగరోపగంఠభా సురసహకారనీపవటచూతమధూకకదంబమాధవీ మరువకశోభితోపవనమధ్యమునం బడి చచ్చెఁ జచ్చినన్.[1]

⁠ 300

తే.⁠

పాదచారియై రయమునఁ బాఱిపోవఁ, జొచ్చుటయు దవ్వుదవ్వులఁ జూచి శౌరి సీరి కిట్లను నీవిందు నీరథంబు, నందుఁ జూచుచునుండు మే నరిగి యిపుడు.

⁠ 301

మ.⁠

తులువం జంపి శమంతకంబుఁ గొనివత్తున్ మీరు మెచ్చంగ నే నలఘుప్రౌడి నటంచుఁ దేరు డిగి రంహస్ఫూర్తి సింహంబు పే రలుక నీచమృగంబుపై నరిగినట్లై క్రోశ మే తెంచి ద వ్వుల నోహో నిలు పోకు మంచు శతధన్వుం బల్కి యత్యుగ్రతన్.[2]

⁠ 302

ఉ.⁠

వారిజలోచనుండు బలవద్రిపుమండలఖండనక్రియా దారుణశాతచక్రమునఁ దచ్ఛిర ముగ్రతఁ ద్రుంచి యాతనిం జేరఁగఁబోయి మస్తకముచీర పటంబులు కంఠహారకే యూరము లాదిగా వెదకియుం బొడగానఁడు రత్నరాజమున్.[3]

⁠ 303

వ.⁠

ఇట్లు కానక మగిడివచ్చి యావృత్తాంతంబంతయు బలభద్రునకుం జెప్పుటయు నతండు దన్ను మొఱఁగి యారత్నం బీజాలండో యని విశ్వసింపక కోపించి యిట్లనియె.[4]

⁠ 304

క.⁠

తమ్ముఁడవని ని న్నేగతి, నమ్మంగావచ్చు నెట్లు నాకొసఁగక ర త్న మ్మటమటించుకొంటివి, పొమ్మిఁక నీతోడిపొత్తు పొరపొచ్చె మగున్.[5]

⁠ 305

చ.⁠

అనుటయుఁ బద్మనాభుఁడు హలాయుధుఁ గన్గొని యేను నీకు వం చన మొనరించి దివ్యమణి యైనశమంతము దాఁచలేదు నీ మనమున శంకగల్గిన ప్రమాణము చేసెద నీవు గోరినన్ వనరుహమిత్రుచేతఁ గొనివచ్చెద నవ్విభుకంఠమాలికల్.[6]

⁠ 306

1. ఉద్ధురగతిన్ = మిక్కిలివడిగలనడకతో, దగతోన్ = దప్పితో, ఉపకంఠ = సమీపమునందలి.
2. రంహన్స్ఫూర్తిన్ = వేగముయొక్క స్ఫురణతో, క్రోశము = ఒకకోసెఁడుదూరము.
3. బలవద్రిపుమండల = బలవంతులైన శత్రుసమూహములయొక్క, దారుణశాతచక్రమునన్ = భయంకరమై కఱకైన చక్రముచేత, మస్తకముచీర = తలగుడ్డ, పటంబులు = పైబట్టలు, పొడగానఁడ = చూచినవాడు కానేకాకపోయెను - కనఁబడకపోయె ననుట.
4. మొఱంగి = వంచించి, ఈజాలండో = ఇయ్యఁడో యేమో.
5. అటమటించుకొంటివి = అపహరించుకొంటివి, పొత్తు = స్నేహము, పొరపొచ్చెము = మిక్కిలి తక్కువైనది.
6. శంక = సందేహము.