పుట:Andhra-Sri-Vishnu-Puranamu.pdf/270

తే.⁠

బ్రాహ్మణుని బలవీర్యసంపద నిరర్థ, కంబు భూలోకమంతయు ఘనపరాక్ర మప్రతాపంబు లేపార మహిమతోడ, నేలు నాపుత్రుఁ డది నీకు మేలుగాదె.[1]

⁠ 130

వ.⁠

అని బేలు పెట్టి కూతురుం దానును జరుద్వయంబు వీడుపడ నుపయోగించి నిజ గృహంబులకుం జని రంత.[2]

⁠ 131

చ.⁠

వనముననుండి వచ్చి భృగువంశశిఖామణి భార్యఁ జూచి నీ జననియు నీవు నాపలుకుచందముఁ దప్పిచరుద్వయంబు నే డొనరఁగ మార్పడంగ నుపయోగము చేసితి రింతయేల పో వనరుహనేత్ర రౌద్రగతి వర్తిలుచున్నది నీదుగర్భమే.

⁠ 132

మ.⁠

భయదక్షత్రియకర్మఠుండును మహాభాగుండు శస్త్రాస్త్రపా ణియుఁ గానున్నసుతుండు పుట్టెడుసుమీ నీయందు వేదాంతవే దియు నత్యంతతపోధనుండు నవనీదేవాన్వయాచారవ ర్తియుఁ గానున్నతనూభవుండు గలుగుం దెల్లంబు మీతల్లికిన్.[3]

⁠ 133

చ.⁠

అనవుడు వేఁడినిప్పువలె నవ్వచనంబు మృగాక్షి నెమ్మనం బునకు నసహ్యమైన మునిముఖ్యుపదంబులమీఁద వ్రాలి యో యనఘ భవత్ప్రసాదజనితాత్మజుఁడే యిటువంటిక్రూరక ర్మనిరతుఁ డప్రబుద్ధ నపరాధిని నన్ను ననుగ్రహింపవే.[4]

⁠ 134

క.⁠

మీపలికినట్టివన్నియు, నాపుత్రునియందు వలదు నరవరధర్మ వ్యాపారము మనుమనియం, దాపాదింపుదురు కాని యని పలుకుటయున్.[5]

⁠ 135

వ.⁠

అట్ల కాక యని యనుగ్రహంబు సేసిన కొండొకకాలంబునకు నాసత్యవతి జమదగ్ని నిం గాంచెఁ దదీయజనని విశ్వామిత్రుం గాంచె నంత నారుచికుండు తపోవనంబు నకుం జనియె సత్యవతి కౌశికి యనుపుణ్యనదియై ప్రవహించె జమదగ్నియు నిక్ష్వాకు వంశసంభవుండైన రేణువను రాజుపుత్రియైన రేణుకను వివాహంబై దానియందు.[6]

⁠ 136

మ.⁠

సకలక్షత్రకులప్రభంజనకళాసంపన్నబాహాబల ప్రకటీభూతసమస్తలోకుఁడు మహీభారావతీర్ణప్రభా

⁠

1. ఏపారన్ = అతిశయింప.
2. బేలు పెట్టి = వంచించి, వీడు పడన్ = మాఱుపడ.
3. భయదక్షత్రియకర్మఠుండు = భయంకరమైన క్షత్రియకర్మలను నడపువాఁడు, మహాభాగుఁడు = గొప్పతనమును వహించినవాఁడు, వేదాంతవేది = ఉపనిషదర్థముల నెఱింగినవాఁడు, అవనీదేవాన్వయాచారవర్తి = బ్రాహ్మణవంశస్థులనడవళ్లు గలిగి వర్తించువాఁడు, తెల్లంబు = స్పష్టము.
4. అసహ్యము = సహింపరానిది, వ్రాలి = పడి, భవత్ప్రసాదజనితాత్మజుఁడే = నీయనుగ్రహముఁవలనఁ బట్టిన కొడుకా, అప్రబుద్ధన్ = అజ్ఞానురాలను.
5. ఆపాదింపుదురు = కలుగఁజేయుదురు.
6. కొండొక = కొంత