పుట:Andhra-Sri-Vishnu-Puranamu.pdf/258

⁠

మత్తేభగమన మిగులం, దత్తరపడి సమ్మదమునఁ దమకించుటయున్.[1]

⁠ 24

క.⁠

పరకాంత బ్రాహ్మణస్త్రీ, గురునాథునిభార్య దీనిఁ గూడిన మిగులన్ దురితంబు వచ్చునని మదిఁ, బరికింపక విధుఁడు తారఁ బైకొని కలసెన్.[2]

⁠ 25

వ.⁠

ఇవ్విధంబున నయ్యిరువురు నన్యోన్యసరససంభోగంబులవలనం జొక్కి వర్తించు చుండి రంత.

⁠ 26

ఉ.⁠

చిక్కులుపడ్డవెండ్రుకలు చిక్కినలంగినకమ్మపూవులుం జక్కెరమోవులుం గుసుమసాయకుముద్రలు చిట్లుగందపుం బక్కులతోడిదేహములు పాయనిమోహములున్ సమంబులై చొక్కపుజారదంపతులు చూడఁ బ్రకాశత నొంది రెంతయున్.[3]

⁠ 27

వ.⁠

అంత నొక్కనాఁడు రోహిణీకాంతుండు గురుకాంత కిట్లనియె.

⁠ 28

క.⁠

మగువా మనచేఁతలు నీ, మగనికి వినఁబడినఁ గడుబ్రమాదము వచ్చున్ జగముల మిగులఁ బ్రకాశం, బగుచున్నది యిచట నుండ నగునే మనకున్.[4]

⁠ 29

వ.⁠

అనిన నతని నవలోకించి.

⁠ 30

క.⁠

ఎక్కడిమగఁ డెక్కడిబ్రతు, కెక్కడిసంసారచింత లేటికి నాకుం దక్కక నీబిగికౌఁగిట, నొక్కటియై రతుల సలుపకుండినఁ జంద్రా.

⁠ 31

క.⁠

నీవెంటఁ దోడునీడై, నే వచ్చెదఁ దొడుకపొమ్మ నీకును నాకున్ దైవంబు లంకెసేసెను, జైవాతృక పంచశరుఁడు సాక్షిగ మనకున్.[5]

⁠ 32

వ.⁠

అని యిట్లు మరులేచి పలికిన నాకమలవైరియుఁ గమలలోచనం దోడ్కొని నిజనివాసంబునకుం బోయి నిరుపాధికంబులును నిరాతంకంబులునైన యభిమత భోగంబు లనుభవించుచుండె నంత.[6]

⁠ 33

చ.⁠

అమరగురుండు దేవపతియాగము సాంగముగా నొనర్చి సం భ్రమమున నెల్లవారు బహుమానము సేయఁగ వేడ్కతో నిజా శ్రమమున కేగుదెంచి వ్యభిచారితనంబునఁ జంద్రువెంట మా రుమనువు తార వోవుటయు రోసి నిరంతరదుఃఖితాత్ముఁడై.

⁠ 34

చ.⁠

సురగురుఁ డాలిఁ గోలుపడి సోముఁడు సేసిన ధౌర్త్యమంతయున్ సురపతితోడఁ జెప్పిన వృషుం డతిభీషణకోపవేష్టితా

⁠

1. తలిరాకులవిత్తై = చిగురుటాకులపరంపర గలదై - చిగుళ్లను కత్తులచేతిబాధచే చలించినదై యనుట, తమకించుటయున్ = వేగిరపడఁగా.
2. పరికింపక = విచారింపక, విధుఁడు = చంద్రుడు, పైకొని = పైఁబడి.
3. కమ్మ = పరిమళముగల, చక్కెరమోవులు = చక్కెరవలె మాధుర్యము గలయధరములును, ముద్రలు = చిహ్నములు, పక్కులతోడి = పెల్లలతోఁ గూడిన.
4. చేఁతలు = చేష్టలు, ప్రకాశంబు = ప్రసిద్ధము.
5. తొడుకపొమ్ము = తోడుకొనిపొమ్ము, జైవాతృక = చంద్రుఁడా.
6. మరులేచి = మోహ మతిశయించి, నిరుపాధికంబులు = చింతలేనివి, నిరాతంకంబులు = భయము లేనివి, సాంగముగాన్ = తుదముట్ట.