పుట:Andhra-Sri-Vishnu-Puranamu.pdf/248

తే.⁠

గౌతమునిశాపదోషంబుకతన నడవి, యందుఁ బాషాణమైయున్న యయ్యహల్యఁ దనపదాంగుష్ఠసంభూతధారుణీప, రాగదర్శనమునఁ బాపరహితఁ జేసె.[1]

⁠ 319

చ.⁠

జనకుఁడు మెచ్చఁగా హరునిచాపము రూపఱఁజేసి పెంపుతోఁ దనభుజవీర్యశుల్కముకతంబున సీత నయోనిజాత నే ర్పున వరియించి హైహయపురోగమరాజకులాంబుదప్రభం జను జమదగ్నిసూనుభుజసత్వ మపాస్తము చేసె ధీరతన్.[2]

⁠ 320

ఉ.⁠

ఆతతరాజ్యవైభవవిహారసమంచిత మైనయీధరి త్రీతల మేలనొల్లక ధృతిం దలిదండ్రులయాజ్ఞ యూఁది యా సీతయు లక్ష్మణుండును భజింపఁగఁ గాననభూమియందు సం ప్రీతిమెయిన్ వసించె మునిబృందము లెల్లను సంతసిల్లఁగన్.[3]

⁠ 321

చ.⁠

అనిమొనలో విరాధుఁ దెగటార్చి భయంకరవృత్తితోడ శూ ర్పణఖను భంగపెట్టి పటుబాణములన్ ఖరదూషణాదిదై త్యనికరముం జతుర్దశసహస్రరథంబుల మేటివీరులన్ దునిమి కబంధుఁ జంపి రిపుదుర్జయు వాలి నడంచె నర్థితోన్.[4]

⁠ 322

క.⁠

తపనజుఁ డగుసుగ్రీవునిఁ, గపిరాజ్యంబునకు రాజుఁగాఁ జేసి దశా స్యుపురంబునఁ జెఱఁజిక్కిన, విపులాసుతఁ జూడఁ బ్లవగవిభు హనుమంతున్.[5]

⁠ 323

వ.⁠

పనిచి సీతావృత్తాంతంబు దెలిసి.

⁠ 324

చ.⁠

అలఘుమతిన్ మహావనచరావళి డెబ్బదిరెండువెల్లువల్ గొలువఁగ నేగి వారినిధిఁ గొండలచేతను గట్టి లంకపై బలువిడి సేనతో విడిసి బాహుపరాక్రము లైనదైత్యులం గలహములోఁ గులక్షయముగా నొనరించె మహానుభావుఁ డై.[6]

⁠ 325

ఉ.⁠

రావణకుంభకర్ణులశిరంబులు వజ్రసమానదారుణా స్రావళి పాలు నేసి యనలార్చులఁ బావన యైనజానకీ దేవి నశేషదేవగణదివ్యమునిస్తవనీయశీలస

⁠

1. సంభూత = పుట్టిన.
2. రూపఱఁ జేసి = స్వరూపనాశము చేసి - విఱిచి, శుల్కము = ఓలి, హైహయ...ప్రభంజనున్ = హేహయవంశస్థులు మొదలుగాఁగల రాజసమూహము లనెడు మేఘములను పడఁగొట్టుటయందు గొప్పగాలివంటివాఁ డైన, అపాస్తము చేసెను = అణఁచెను.
3. ఊఁది = అవలంబించి, భజింపఁగన్ = సేవింపఁగా.
4. తెగటార్చి = చంపి, రిపుదుర్జయున్ = శత్రువులకు జయింపరానివానిని, అడంచెన్ = చంపెను.
5. తపనజుఁడు = సూర్యునికొడుకు, విపులాసుతన్ = భూపుత్రిని - సీతను, ప్లవగవిభున్ = వానరశ్రేష్ఠుని.
6. వెల్లువలు = వాహనులు (వాహిని = 81 రథములు, 81 ఏనుఁగులు, 243 గుఱ్ఱములు, 405గురు పదాతులును గల సేన), బలువిడిన్ = అతిశౌర్యముతో.