పుట:Andhra-Sri-Vishnu-Puranamu.pdf/246

ఉ.⁠

ఇమ్ముల భూమియంతయును నేలుచు నాత్మవధూటితోడి సౌ ఖ్యమ్ములు గోరియున్న మదయంతియుఁ దొల్లిటి విప్రకాంతశా ప మ్మెఱిఁగించి నీకు నిది ప్రాణభయం బగునన్న నాత్మలో నుమ్మలికించుచున్ సతుల నొల్లకయుండెను షండుకైవడిన్.[1]

⁠ 300

వ.⁠

ఇట్లు స్త్రీసంగమపరాఙ్ముఖుండై పెద్దకాలంబు రాజ్యంబు చేసి సంతానార్థంబుగా వసిష్ఠుఁ బ్రార్థించి తన భార్య యైనమదయంతిని సమర్పించిన నమ్మునీంద్రుం డయ్యింతికి గర్భాధానంబు చేసి బలపరాక్రమసంపన్నుం డైన కుమారుండు జన్మించు నని చెప్పి చనియె నంత.

⁠ 301

ఆ.⁠

అధిపుకాంత గర్భమై యేడుసంవత్స, రంబు లుండి పుత్రరత్న ముద్భ వింపకున్నఁ జాల వేసఱి భరియింప, లేక యొక్కనాఁడు భీకరముగ.

⁠ 302

తే.⁠

అశ్మమునఁ దనగర్భ మయ్యంబుజాక్షి, పొడిచికొనుటయు జన్మించెఁ బుత్రకుండు వాని కశ్మకుఁ డనునభిధాన మర్థిఁ, జేసి నవయౌవనంబునఁ జెలఁగుటయును.[2]

⁠ 303

క.⁠

ఆకల్మాషపదుం డ, స్తోకముదముతోడఁ దనదుసుతు నశ్మకునిన్ సాకేతరాజ్యవిభవము, చేకొన నియమించి తపము సేయంబోయెన్.

⁠ 304

క.⁠

ఆయశ్మకుండు రాజై, యాయతముగ భూమి యేలె నాతనికి సుతుం డై యుదయించెను మూలకుఁ, డాయవనిపుఁ డుర్వి యేలె నాకాలమునన్.

⁠ 305

ఉ.⁠

రాజుల నందఱం బరశురాముఁడు ద్రుంచెడునాఁడు వాఁడు ఘో రాజి నెదుర్కొనన్ వెఱచి ప్రాణభయంబున నగ్నవేషకాం తాజనకోటిలో నొదిఁగినన్ వనితాసముఁ డంచుఁ గాచి యా రాజులవైరి వోయె సమరంబున నన్యనృపాలహింసకున్.

⁠ 306

వ.⁠

ఇట్లు నారీజనరక్షితుం డగుటంజేసి యామూలకుండు నారీకవచుం డనం బరఁగె నట్టినారీజనకవచునకు నిలబిలుండును వానికి ఖట్వాంగదిలీపుండునుం బుట్టిరి. అద్దిలీవుండు రాజ్యంబు చేయుసమయంబున.

⁠ 307

మ.⁠

చల మొప్పారఁగ దేవదానవులకున్ సంగ్రామరంగంబు వా టిలినన్ దేవగణంబు లయ్యసురకోటిన్ మార్కొనలేక భీతిలి ఖట్వాంగదిలీపభూమిపతి నర్థిం దెచ్చి విద్వేషులం గలనం జంపి జయంబు చేకొని భుజాగర్వంబు లేపారఁగన్.[3]

⁠ 308

ఆ.⁠

ఉన్నయవసరమున మన్నించి వేల్పులు, వరము వేఁడుమనిన వసుమతీశుఁ డట్లయేని నాకు నాయుఃప్రమాణ మెం, తనిన రెండుగడియ లనిరి సురలు.

⁠ 309

ఉ.⁠

నవ్వి మహీశుఁ డాసురగణంబులఁ గన్గొని యట్లయేని నే నవ్వర మొల్ల న న్ననుపుఁ డంచుఁ బసిండివిమాన మెక్కి కా

⁠

1. ఉమ్మలికించుచున్ = విచారపడుచు.
2. అశ్మమునన్ = రాతితో.
3. కలనన్ = యుద్ధరంగమునందు, ఏపారఁగన్ = అతిశయింపఁగా.