పుట:Andhra-Sri-Vishnu-Puranamu.pdf/236

⁠

కాలంకారుని శంఖచక్రధరు నుద్యద్భానుకోటిప్రభా జాలోదంచితదివ్యతేజు నసకృత్సౌభాగ్యలక్ష్మీయుతున్.[1]

⁠ 200

క.⁠

పరివేష్టించి సముచ్ఛ, స్వరముల గాంధర్వగానసముపేతముగాఁ బొరిఁ బొరి బొగడిన లక్ష్మీ, శ్వరుఁడు నిదుర మేలుకొని ప్రసన్నుండయ్యెన్.[2]

⁠ 201

వ.⁠

ఇట్లు యోగనిద్రాప్రబుద్ధుం డైనయద్దేవదేవునకు దండప్రణామంబులు సేసి గంధర్వులచేతఁ దమకు నైనబన్నంబులు విన్నవించిన మన్నించి వెన్నుండు పన్న గేంద్రుల కిట్లనియె.[3]

⁠ 202

క.⁠

ధరఁ జక్రవర్తి యగు నా, పురుకుత్సుఁడు నామహత్త్వమున నున్నాఁ డా ధరణీశుఁడు గంధర్వులఁ, బరిమార్పఁగ నోపు నతనిఁ బ్రార్థింపుఁ డొగిన్.

⁠ 203

క.⁠

అని యానతిచ్చి వీడ్కొలి, పినఁ బన్నగముఖ్యు లెల్లఁ బీతాంబరుచె ప్పినయట్ల నాగలోకం, బునకు మగిడివచ్చి యొక్కప్రొవై తమలోన్.[4]

⁠ 204

తే.⁠

కార్యచింత యెఱింగి యిక్ష్వాకువంశ, సంభవుం డైనపురుకుత్సచక్రవర్తి పాలి కెవ్వరిఁ బనుపంగఁ బాడియెుక్కొ, యని విచారించుచున్న యయ్యవసరమున.[5]

⁠ 205

క.⁠

మునియొకఁడు వచ్చి భుజగులఁ, గనుఁగొని మీతలఁచినట్టికార్యము సంఘ ట్టన సేయఁదగినవారల, వినిపించెద మీరు వోయి వేఁడుకొనుఁ డొగిన్.[6]

⁠ 206

వ.⁠

పురుకుత్పుండు నర్మదానదియందు బద్ధానురాగుండై యున్నవాఁ డన్నదియు నంతకంటె నతనియందుఁ బ్రియంబు గలిగియున్నయది మీర లాసోమపుత్రిం బ్రార్థించి పంపిన నారాజన్యుండు వచ్చి మీపగ సాధింప నోపునని నిర్దేశించి పోయె నప్పుడు.[7]

⁠ 207

శా.⁠

ఆరేవానది దైవయోగమునఁ దా నచ్చోటికికిన్ దేవతా నారీరూపముతోడ వచ్చిన నహీంద్రశ్రేణి యేతెంచి య త్యారూఢప్రియభాషలం దనిపి యయ్యాసన్నగంధర్వుల బోరం జంపి భుజంగనాథులకుఁ బెంపున్ సొంపుఁ గావింపఁగన్.[8]

⁠ 208

1. సన్నిహితరాజీవాసనున్ = సమీపించినబ్రహ్మ గలవానిని, ఉద్యద్భానుకోటిప్రభాజాలోదంచితదివ్యతేజున్ = మిక్కిలి వెలుఁగునట్టి కోటిసూర్యులవలె వెలుఁగుచున్న కాంతిసమూహములో యన ఒప్పుచున్న దివ్యమయిన తేజస్సు కలవానిని, అనకృత్సౌభాగ్యలక్ష్మీయుతున్ = ఎడతెగక సౌభాగ్యలక్ష్మితో కూడుకొని యుండువానిని.
2. సముచ్చస్వరములు = గట్టిగా వినపచ్చుకంఠస్వరములతో, పొరిఁ బొరిన్ = క్రమక్రమముగా.
3. యోగనిద్రాప్రబుద్ధుఁడు = యోగనిద్రనుండి మేలుకొన్నవాఁడు, బన్నంబులు = భంగములను.
4. పీతాంబరు చెప్పినయట్ల = పీతాంబరమును ధరించిన శ్రీహరి చెప్పినచొప్పున, ప్రొవై = గుంపు గూడి.
5. పాడి = ధర్మము - యుక్త మనుట.
6. సంఘట్టన = సంఘటన - ఇది యపూర్వప్రయోగము.
7. పగ = శత్రువును, నిర్దేశించి = చెప్పి.
8. అత్యారూఢప్రియభాషలన్ = అతిగౌరవములును ప్రియముల నైనమాటలతో, ఆసన్న = (బాధింప) సమీపించిన.