పుట:Andhra-Sri-Vishnu-Puranamu.pdf/228

⁠

గరుడసిద్ధసాధ్యగంధర్వపన్నగ, వరులు గొల్వ వచ్చె వాసవుండు.

⁠ 114

వ.⁠

వచ్చి యమ్మహామునుల నవలోకించి యీయర్భకుండు మదీయరాజ్యంబును నన్నును భరియింప సమర్థుండగుటంజేసి మాంధాత యను నామంబు చేసితి నని పలికి.

⁠ 115

తే.⁠

వరసుధామృతధారలు దొరుగుచున్న, తనప్రదేశిని నమ్మహీవరకుమారు నోరి లోపల నిడి కడుపారఁ దుష్టి, చేసె బండ్రెండుసమములు వాసవుండు.[1]

⁠ 116

వ.⁠

ఇవ్విధంబునఁ బండ్రెండేళ్లకుమారుండై మాంధాత సప్తద్వీపసమేతం బైనవసుం ధరాచక్రం బవక్త్రపరాక్రమంబున ననుభవించి చక్రవర్తియైన.

⁠ 117

తే.⁠

సూర్యుఁ డుదయించి క్రుంకెడుచోట్ల నడిమి, ధాత్రియెల్లను యువనాశ్వపుత్రుఁడైన యట్టి మాంధాతృక్షేత్రంబె యని జగంబు, లభినుతించుచు నుండుదు రనుదినంబు.

⁠ 118

వ.⁠

అట్టి మాంధాత శశిబిందుపుత్రి యైనబంధుమతిం బాణిగ్రహణంబు చేసి దాని యందుఁ బురుకుత్సాంబరీషముచికుందు లనుకుమారుల మువ్వురం బడసి మఱి యును.

⁠ 119

తే.⁠

మెఱుఁగుఁదళుకు లనఁగ మెలఁగెడుబంగారు, బొమ్మ లనఁగ గమ్మపువ్వుతీఁగె లనఁగ మోహనాంగు లైనకన్నియల నేఁ, బండ్రఁ గాంచె రాజు ప్రమదమునను.[2]

⁠ 120

వ.⁠

ఇవ్విధంబున లబ్ధసంతానుండై మాంధాత రాజ్యంబు సేయుసమయంబున.[3]

⁠ 121

క.⁠

జననుతచరితుఁడు సౌభరి, యనఁగా నొకదివ్యమౌని యంతర్జలముల్ తన కునికిపట్టుగాఁ దప, మొనరించె శతాబ్దకాల మున్నతభక్తిన్.[4]

⁠ 122

ఉ.⁠

అందు నతిప్రమాణసముదంచితదేహముతోడ నందనీ నందనబంధుమిత్రులు మనఃప్రమదంబున నిత్యకృత్యముల్ క్రిందను మీఁదఁ బార్శ్వములఁ క్రీడ యొనర్పఁగ సంచరించుచో మందుఁ డనంగఁ బేరుగల మత్స్యవిభుం డొకఁ డుండె నర్థితోన్.

⁠ 123

క.⁠

బహువిధముల నాజలచర, విహారసౌఖ్యములు చూచి వేడుకతో న మ్మహితాత్తుఁడు గృహపతియై, యిహసౌఖ్యము లనుభవింప నిచ్చఁ దలంచెన్.

⁠ 124

వ.⁠

ఇవ్విధంబునం దపస్సమాధివలన నిలిపిన లక్ష్యంబు వదలి సంసారసుఖంబులకు నభి ముఖుండై యంతర్జలంబులు వెలువడి కన్యార్థియై మాంధాతపాలికి వచ్చిన.

⁠ 125

ఉ.⁠

ఆదర మొప్పఁగా నృపకులాగ్రణి యమ్ముని కాసనార్ఘ్యపా ద్యాదిబహూపచారవిధు లర్థి నొనర్చి నమస్కరించి పు

⁠

1. తొరఁగు = స్రవించు, ప్రదేశిని = చూపుడువ్రేలు, పండ్రెండుసమములు = పండ్రెండేండ్లు.
2. తళుకులు = తళతళయను కాంతులు, కమ్మ= పరిమళము గల.
3. లబ్ధ = పొందఁబడిన.
4. అంతర్జలములు = లోపలినీళ్లు - నీళ్లలోపలి ప్రదేశము అనుట.