పుట:Andhra-Sri-Vishnu-Puranamu.pdf/218

⁠

ల్లను దుర్వారబలప్రతాపవిభవోల్లాసంబు శోభిల్లఁగా ననురాగంబున నేలె నవ్విభుఁడు దా నాదేవతాసార్వభౌ మునికంటెన్ బలవంతుఁడై రిపుకులంబున్ గూల్చె నుగ్రాజులన్.[1]

⁠ 24

సీ.⁠

క్రతుశాల మొదలుగాఁ గలసాధనము లెల్లఁ గాంచనమయములుగా నొనర్చెఁ బ్రత్యక్షమున సోమపానంబు గావింప దేవతావల్లభుఁ దెచ్చి తనిపె గౌరవంబున మరుద్గణముల రావించి పరివారముగఁ జేసి పనులు గొనియె సకలనిర్జరులను సభ గూర్చి యండఱ నయ్యైవిధంబుల నాదరించె

⁠

తే.⁠

దక్షిణలుగా మహీదేవతలకు పసిఁడి, త్రవ్వి తండంబులుగఁ జేసి తనియ నిచ్చి యశ్వమేధంబు గావించె నమ్మరుత్తుఁ, డఖలలోకంబులును దన్ను నభినుతింప.[2]

⁠ 25

వ.⁠

అట్టిమరుత్తునకు సరిష్యంతుండును సరిష్యంతునకు దముండును వానికి రాజవర్ధ నుండును ఆతనికి సుధృతియును సుధృతికి నరుండును నరునకుఁ గేరళుండును బుట్టి రట్టికేరళునిపేరం గేరళదేశం బయ్య నాకేరళునకు బంధుమంతుండును వానికి వేగవంతుండును వానికి బుధుండును బుధునకుఁ దృణబిందుండును బుట్టిరి.

⁠ 26

తే.⁠

అట్టితృణబిందునకుఁ గన్యయై జనించె, నిలబిలానామమున నొక్కయిందువదన యామృగాక్షి యలంబస యనఁగ నొక్క, యప్సరసం గాంచెఁ గూఁతుఁగా నర్థితోను.

⁠ 27

ఉ.⁠

ప్రీతి వహించి దానిఁ దృణబిందుఁడు పెండిలియాడి లోకవి ఖ్యాతచరిత్రుఁడై మెఱసినట్టివిశాలునిఁ గాంచెఁ బుత్రుఁగా నాతనిపేర నీధరణియందు వెలింగె విశాలనాఁ బురం బాతతరాజ్యవైభవసమంచితలక్ష్మికి జన్మభూమియై.

⁠ 28

సీ.⁠

ఆవిశాలునిపుత్రుఁడై హేమచంద్రుండు జనియించె నతనికిఁ జంద్రుఁ డనఁగ దనయుఁడు పొడమె నాతనికి ధూమ్రాశ్వుండు జనియించె నతఁడు సృంజయుని గాంచె నాసృంజయునిపుత్రుఁడై సహదేవుండు పుట్టె గుణాశ్వుఁ డాభూమిపతికి సుతుఁడయ్యె నతనికి సోమదత్తుఁడు పుట్టె నారాజచంద్రుండు నవని యేలె

⁠

తే.⁠

నర్థితోడ దశాశ్వమేధాధ్వరములు, చేసి కాంచనరత్నవిలాసినీతు రంగమోత్తుంగగోధేనురాజినెల్ల, దక్షిణల భూమిసురులకుఁ దనియ నిచ్చి.

⁠ 29

క.⁠

ఆజననాయకునకు సుతుఁ, డై జనమేజయుఁడు పుట్టె నతులితబలతే జోజయశాలి యతనికిని, రాజన్యుఁడు సుమతి పుట్టె రాజతయశుఁడై.

⁠ 30

1. జగన్మాన్యుండు = లోకమునందు పూజ్యుఁడు, దుర్వార = అణఁపరాని, రిపుకులంబున్ = శత్రుసమూహమును, ఉగ్రాజులన్ = భయంకరమైన యుద్ధములయందు.
2. తనిపెన్ = తృప్తి నొందించెను, మరుద్గణములన్ = దేవతాసమూహములను, త్రవ్వి తండములుగన్ = అపరిమితములుగా.