పుట:Andhra-Sri-Vishnu-Puranamu.pdf/217

ఉ.⁠

ఆనలినాయతాక్షి తనయౌవనసంపదలెల్ల రోహిణీ సూనున కీకయుండినఁ బ్రసూనశిలీముఖుచేత నోర్వఁగా లేనని యక్కుమారుశుభలీలలు నాతనిరూపవైభవా నూనవిలాసభాసురతయు బ్రియమారఁగఁ జూచె నర్థితోన్.[1]

⁠ 15

వ.⁠

ఇ ట్లన్యోన్యసమాగమంబున నయ్యిద్దఱుం బెద్దకాలంబు దాంపత్యసుఖంబుల ననుభవించుచుండ నమ్మిథునంబునకుఁ బురూరవుండు జన్మించె నంత.

⁠ 16

ఆ.⁠

అప్పు డమితతేజు లైనమహాముని, వరులు భక్తితోడ వైష్ణవాఖ్య మైనక్రతువు చేసి యయ్యింతి సుద్యుమ్నుఁ, గా నొనర్చి రధికగౌరవమున.

⁠ 17

క.⁠

మును సుద్యుమ్నుఁడు సతియై, జనియించుటఁ జేసి రాజ్యసంప్రాప్తము లే కునికి యెఱింగి వసిష్ఠుఁడు, మనువు నొడంబఱిచి యాకుమారవరునకున్.

⁠ 18

వ.⁠

సకలభోగాధిష్ఠానం బైన ప్రతిష్టానపురంబునందుఁ బట్టంబు గట్టించిన నతండు రాజ్యసుఖంబు లనుభవించుచు నుత్కళ గయ వినుతు లనుమువ్వురుకుమా రులం బడసి మహాధర్మశీలుండై యనేకయజ్ఞంబులు చేసి నిజపదంబునఁ బురూ రవుఁ బట్టంబు గట్టి తపంబునకుం జనియె.[2]

⁠ 19

తే.⁠

మనుతనూభవు లైనతొమ్మండునృపుల, యందు వృషదుండు దా గురుహత్య చేసి యిది నిమిత్తము శూద్రుఁ డయ్యెను దదన్వ, యంబువారును శూద్రులై రతనియట్ల.[3]

⁠ 20

క.⁠

క్షితిపతి యైనకరూశుఁడు, సుతులం గారూశు లనఁగ సూనృతరతులన్ ధృతిబలపరాక్రమశ్రీ, యుతులం బెక్కండ్రం గాంచె నున్నతమతులన్.[4]

⁠ 21

క.⁠

మనుపుత్రుఁ డైనదిష్టుఁడు, గనియెను నాభాగుఁ డనఁగ గాదిలిసుతునిన్ విను మతనికి వైశ్యత్వం, బనుగుణమయ్యెను ధరిత్రి యంతయు నేలన్.[5]

⁠ 22

వ.⁠

ఇట్టినాభాగునకు బలంధనుండును బలంధనునకు వత్సప్రీతియును వత్సప్రీతికి నుదారకీర్తియును ఉదారకీర్తికిఁ బ్రాంశుప్రజాపతియును వానికి ఖనిత్రుండును వానికి క్షుపుండును క్షుపునకు నతిబలపరాక్రమనిధి యైన వింశుండును వానికి ఖనేత్రుండును అతనికి నతివిభూతియును అతివిభూతికి నధికబలపరాక్రముం డైనకరంధముండును వానికి నవేక్షియును అవేక్షికి మరుత్తుం డనుచక్రవర్తియుం బుట్టిరి.

⁠ 23

మ.⁠

మనువంశోత్తముఁ డమ్మరుత్తుఁడు జగన్మాన్యుండు భూలోకమె

⁠

1. ప్రసూనశిలీముఖుచేతన్ = మన్మథునిచేత.
2. అధిష్ఠానము = ఉనికిపట్టు.
3. తదన్వయంబువారు = వానివంశస్థులు.
4. సూనృతరతులన్ = నిజము చెప్పుటయందు ఆసక్తులైన వారిని, ధృతిబలపరాక్రమశ్రీయుతులన్ = ధైర్యముతోను బలముతోను పరాక్రమముతోను సంపదతోను కూడుకొన్నవారిని.
5. గాదిలి = ప్రియమైన.