Jump to content

పుట:Andhra-Sri-Vishnu-Puranamu.pdf/198

వికీసోర్స్ నుండి
ఈ పుట అచ్చుదిద్దబడ్డది


తే.⁠

పట్టెమంచంబు దలగడ పఱుపు దెరయు, మేలుకట్టును బొడవైనమేడమీఁదఁ
జల్లగాలియు ధూపవాసనలు నున్న, యట్టిశయ్యకుఁ జని నిద్ర నందవలయు.

⁠ 216


తే.⁠

తూర్పుదక్షిణములలోన దొరికినట్టి, దిక్కు తలగడ గాఁగ నిద్రించెనేని
మేలు తక్కినదిక్కులు మేదినీశ, యధికరోగంబు గావించు ననిరి బుధులు.

⁠ 217


తే.⁠

అనఘ పురుషనక్షత్రంబు లైన జ్యేష్ఠ, మొదలుగాఁ గలనక్షత్రముల నయుగ్మ
కములనై నను ఋతుదివసములనైనః, దనకులాంగనఁ గవయుట ధర్మ మగును.[1]

⁠


సీ.⁠

పరకాంత ముట్టైనపడఁతి నన్యాసక్త యైనతొయ్యలి దుఃఖి యైనచెలువ
సంతసం బెఱుఁగనిసతి ననాచారంపుటిభయాన బాలింత యిగురుబోఁడి
నిష్ఠమాలినలేమ నిర్మోహి యగుకొమ్మ కలహంబు వెట్టెడికమలవదన
రతులు నేరుపు లేనిరామ జారయుఁ జోర కుమతి యౌ నెలనాఁగ కూటిపేద

⁠


తే.⁠

యైన మృగనేత్ర పరితుష్ట యైనయువతి, తన్ను మెచ్చనితన్వంగి దమ్ములంబు
నీనిపద్మాస్య కడురోగి యైనయువతి, రతి యొనర్పంగఁ గోఱగాదు రసికులకును.[2]

⁠ 219


సీ.⁠

రతితంత్రములయందుఁ బ్రౌఢయై తనమీఁద నత్యంతభయభక్తు లతిశయిల్ల
సౌకుమార్యముచేత నేకొదవయులేక సుందరాకారత సొంపు గలిగి
సరసశృంగారవేషముల నెంతయు మించి యుచితప్రియాలాపరచన లెఱిఁగి
వినయవిధేయవివేకశీలతలచే ననుకూలమును నెఱతనము నేర్చి

⁠


తే.⁠

నిర్మలాంగియు నిపుణయు నిర్మలాభి, జాత్యయును బుణ్యవతియును సతియునైన
తనకులాంగన రతికేళిఁ దనిపెనేని, యతని కైహికలోకసౌఖ్యములు గలుగు.[3]

⁠ 220


తే.⁠

అనఘ విను పౌర్ణమాసుల నమవసలఁ జ, తుర్ధసులయం (?)దష్టమీప్రదోషములను
సంక్రమణములయందును సతుల రతుల, ననుభవింపంగ రాదని రార్యులెల్ల.

⁠ 221


తే.⁠

చైత్యచత్వరగోష్ఠశ్మశానతీర్థ, వారిశృంగాట కారామవాహినీసు
రాలయగ్రామమధ్యంబులందుఁ బగలు, సతులఁ గవిసిన దోషంబు సంభవించు.[4]

⁠ 222


మ.⁠

పరకాంత న్మదిలోననైనఁ దలఁపం బాపంబు దుఃఖంబునుం
బరివాదంబును నొంది ఘోరనరకప్రాప్తవ్యథల్ పెక్కువ

⁠
  1. ↑ అయుగ్మకములు = బేసిలెక్కగలవి.
  2. ↑ నిర్మోహి = మోహములేనిది, కుమతి = అల్పబుద్ధి గలది, తన్వంగి= స్త్రీ, కొఱగాదు = తగదు.
  3. ↑ ప్రౌఢ = గడిదేఱినది, ఉచితప్రియాలాపరచనలు =- తగిన ప్రియవాక్యములయొక్క పొందుపఱచుటలు, నెఱతనము = చాతుర్యము, నిర్మలాభిజాత్య = శుద్ధమైన ఉత్తమవంశమునందలి పుట్టుక గలది, సతి = పతివ్రత, కులాంగనన్ = ఇల్లాలి.
  4. ↑ చైత్యచత్వరగోష్ఠశ్మశానతీర్థవారిశృంగాటకారామవాహినీసురాలయగ్రామమధ్యంబులందున్ = రచ్చచెట్టు ముంగిలి పసులమంద శ్మశానము పుణ్యనదీపుణ్యస్థలములు నీరు నాలుగుత్రోవలు గూడిన రాజమార్గము ఉపవనము ఏఱు దేవాలయము ఊరినడుము ఈప్రదేశములయందును.