పుట:Andhra-Sri-Vishnu-Puranamu.pdf/176

వ.⁠

శనైశ్చరుండును సంస్తుతియును వహ్నితేజుండును వపుష్మంతుండును ననుజ్జ్వ లుండును జ్వలనుండును ననుభవ్యమూర్తులు సప్తసంయములు సర్వత్రగసుధ ర్మదేవానీకాదులు విష్ణుసావర్ణినందనులు గాఁగలవారు మఱియును.

⁠ 49

తే.⁠

రుద్రసావర్ణి యనువాఁడు రుద్రసుతుఁడు, ద్వాదశాంతరమనువు తద్రాజ్యమునను దైవతప్రభుఁడై ఋతుధాముఁ డుండు, హరితరోహితదేవాదు లమరవరులు.

⁠ 50

వ.⁠

తపస్వియును దపోమయుండును దపోమూర్తియుఁ దపోరతియును దపోధృతి యును దపోధనుండును ద్యుతిమంతుండును ననువారు సప్తమహర్షులు దేవోప దేవదేవశ్రేష్ఠాదు లైనరాజులు మనుపుత్రులు గాఁగలవారలు.

⁠ 51

సీ.⁠

మఱి పదుమూడవమనువు రౌచ్యుం డనునవనీశ్వరుఁడు వానియంతరమున సుగ్రాముఁ డనువాఁడు సురలోకనాథుండు ధర్మసుధర్మసుకర్మముఖులు ముప్పదిమువ్వురై యొప్పారెదరు సురగణములు నిర్మోహకప్రదర్శ నిష్ప్రకంపావ్యయనిత్యనిరుత్సుకహితమతు లనుమును లేడుగురును

⁠

తే.⁠

సప్తసంయము లాదిత్యసవనచిత్ర, చిత్రసేనవిచిత్రాదిధాత్రిపతులు మనుతనూభవులై మహీమండలంబు, తమభుజాశక్తిఁ బాలించెదరు మునీంద్ర.

⁠ 52

వ.⁠

పదునాలవమన్వంతరంబున శుచి యనువాఁడు దేవేంద్రుండు గాఁగలవాఁడు. చాక్షుషసావిత్రకనిష్ఠవాచావృద్ధాదులు దేవగణంబు లయ్యెదరు. అగ్నిబాహుం డును శుచిచిత్తుండును శుక్రుండును మాగధుండును నగ్నిరథుండును యుక్తుం డును నజితుండును ననువారు సప్తమహర్షు లయ్యెదరు. గురుగంభీరముఖ్యా దులు మనుతనూభవు లయ్యెదరు.

⁠ 53

క.⁠

ఈమనువులు నీయింద్రులు, నీమౌనులు నీనృపతులు నీదేవతలు శ్రీమహిళావల్లభుతే, జోమండితు లైరి పద్మజునిదివసమునన్.[1]

⁠ 54

చ.⁠

వినుము చతుర్యుగాంతమున వేదము లన్నియు విప్లవంబు లై చనిన మహీతలంబునకు సప్తమునీంద్రులు నేగుదెంచి పెం పున బహువేదశాస్త్రములు మున్నిటియట్ల ప్రతిష్ఠ చేసి రూ ఢిని నొనరించుచుండుదురు డెబ్బదియొక్కమహాయుగంబునన్.[2]

⁠ 55

క.⁠

స్మృతులు ప్రతిష్ఠింతురు ప్రతి, కృతయుగముల మనువు లవనిఁ గీర్తులు వెలయన్ క్షితి పాలింపుడు రమ్మను, సుతులు దివిజవరులు క్రతుభుజులుఁ బెం పెసఁగన్.[3]

⁠ 56

క.⁠

మనువులు మనుపుత్రులు న, య్యనిమిషులును సప్తఋషులు నమరాధిపులున్ విను మాయామన్వంతర, మున కధికారులు జగంబుఁ బోషింపంగన్.

⁠ 57

1. శ్రీమహిళావల్లభుతేజోమండితులు = శ్రీవిష్ణునియొక్క తేజస్సుచేత అలంకరింపఁబడినవారు, పద్మజునిదివసమునన్ = బ్రహ్మదినమునందు.
2. విప్లవంబులు = ప్రళయమును పొందినవి - చెడినది, ప్రతిష్ఠ చేసి = నిలిపి.
3. క్రతుభుజులు = దేవతలు.