పుట:Andhra-Sri-Vishnu-Puranamu.pdf/171

⁠

సప్తమౌనులు వెలసిరి చైత్రచిత్ర, మదనకింపురుషాదు లమ్మనువుసుతులు.

⁠ 6

వ.⁠

ఉత్తమమన్వంతరంబున సుశాంతుండు దేవేంద్రుండయ్యె. సుధామసత్యశివప్రత ర్దనవశవర్తు లను ద్వాదశగణంబులు దేవతలు తొల్లి నీకుం జెప్పిన వసిష్ఠతనయు లేడ్గురు సప్తమహర్షు లైరి మఱియును.

⁠ 7

సీ.⁠

నాలవమనువు నానాలోకనుతకీర్తి యయ్యొప్పెఁ దామసుఁ డనుమహాత్ముఁ డతనికాలంబున నమరాధిపతి యయ్యె శిబి యనునాతండు విబుధవరులు హరసత్యరూపాదు లన సప్తవింశతిగణములై మెఱసిరి కావ్యచైత్ర పృథుకావ్యవర్ణాగ్నిపీవరజ్యోతిధాములు సప్తమానులై రలఘుమతులు

⁠

ఆ.⁠

ఖ్యాతిజానుజంఘకేతురూపనరాది, మనుజనాథవరులు మనువుతనయు లమ్మహానుభావు లత్యంతధర్మాత్ము, లైరి పెక్కుక్రతువు లాచరించి.

⁠ 8

తే.⁠

రైవతాహ్వయమన్వంతరంబునందు, విభుఁ డనెడువాఁడు దేవతావిభుఁడు దేవ గణము లమితాభవైకుంఠకావ్యభూత, దయు లనంగఁ జతుర్దశద్వయము వెలసె.

⁠ 9

తే.⁠

ఊర్ధ్వబాహుఁడు దేవబాహుఁడు హిరణ్య, రోముఁడును వేదవంతుండు థామకుండు శ్రీమతుండు పర్జన్యుఁడు నా మునీంద్ర, సప్తకము సప్తమును లై రి సంయమీంద్ర.

⁠ 10

క.⁠

బలబంధూజ్జ్వలసంభా, వ్యులు మొదలుగ రాజులందు నొగి మనువుకుమా రులు దేవేంద్రుని వెన్ను, ద్దులగతి విలసిల్లి రధికదోర్బలమహిమన్.

⁠ 11

ఉ.⁠

ఏచినయాప్రియవ్రతమహీతలనాథుఁడు తొల్లి పుష్పనా రాచగురుం గుఱించి యనురాగముతోఁ దప మాచరించి స్వా రోచిషుఁ డాదియౌ నలువురుం దనవంశజులై వెలుంగఁ బు ణ్యోచితవృత్తిఁ దాఁ బడసె నుజ్జ్వలరాజ్యరమావిభూతితోన్.[1]

⁠ 12

క.⁠

ఆతనివిమలతపోమహి, మాతిశయమువలన మనువులై వెలసిరి యీ భూతలనాయకు లతులవి, భూతిక విలసిల్లి రవనిఁ బుణ్యోదయులై.

⁠ 13

వ.⁠

మఱియు షష్ఠం బైన చాక్షుసమన్వంతరంబునకు మనోజవుం డను దేవేంద్రుం డును, నార్య ప్రభూతభవ్యపృథుకరేఖాదు లైనయష్టకాగణంబులు దేవతలను, సుమేధుండును విజరుండును హవిష్మంతుండును నుత్తముండును మధుండును సహిష్ణుండును అతినామకుండును అనువారలు సప్తమహర్షులును, పూరుశత ద్యుమ్నప్రముఖు లైనవారలు మనుకుమారులు నై విలసిల్లిరి. తదనంతరంబ.

⁠ 14

తే.⁠

అనఘ సాంప్రతమైనమన్వంతరమున, కధిపుఁడై విలసిల్లె నయ్యనఘమూర్తి

⁠

1. పుష్పనారాచగురున్ = మన్మథునితండ్రిని - విష్ణువును.