పుట:Andhra-Sri-Vishnu-Puranamu.pdf/126

⁠

శ్రీకముగఁ జుట్టి యుండును, శాకద్వీపంబు భవ్యసంరక్షితమై.[1]

⁠ 71

మ.⁠

అతులప్రాభవవైభవానుభవరాజ్యశ్రీలచే ధన్యుఁడై యతఁ డాద్వీపము నేడుభాగములుగా వర్థి న్విభాగించి యా త్మతనూసంభవసప్తకంబునకు నిత్యప్రీతితో నిచ్చె నా క్షితిపవ్రాతముపేర వర్షములుగాఁ జెల్వొందె నాదేశముల్.[2]

⁠ 72

వ.⁠

వానినామంబులు వినుము జలద కుమార సుకుమార మరీచక కుసుమోద సుమోద మహాద్రుమంబు లనంబరఁగు నద్దేశంబులకు మర్యాదాపర్వతంబులై యుదయజలధరరైవతాంభోంబికేయరమ్యకేసరీపర్వతంబులు మెఱయు. తదీ యోద్భవంబులై కుమారియును సుకుమారియును నలినియును వేణుకియును ఇక్షువును ధేనుకయును గభస్తియు ననుమహానదులు ప్రవహించియుండు.

⁠ 73

క.⁠

ఆయాఱుదీవులం గల, యాయావర్తంబులందు నతులమహిమలం బాయనియేఱులు శైలని, కాయంబులు పెక్కువేలు గలవు మునీంద్రా.[3]

⁠ 74

సీ.⁠

అట్టిశాకద్వీపమందుఁ జాతుర్వర్ణసముదయంబులు పుణ్యజనపదములుఁ బుణ్యదేశములు నగణ్యంబు లదియు భౌమస్వర్గ మచ్చటిమనుజులందు ధర్మంబెకాని పాతక మించుకయు లేదు మర్యాద లుడిగిన మనికి యొల్ల రన్యోన్యవైరంబు లాత్మల భావింపఁ గడఁగరు హీనాధికములు లేవు

⁠

తే.⁠

మంగమాగధమానసమందగు లన, బ్రాహ్మణాదివర్ణంబు లుపన్యసింపఁ బడుదివాకరమూర్తియై పద్మనాభుఁ, డచట యజ్ఞంబులను బూజ లందుచుండు.[4]

⁠ 75

క.⁠

శాకమహీజముపేరను, శాకద్వీపంబు నాఁగ సన్నుతి కెక్కున్ లోకస్తుత యాదీవికి, నాకడ దుగ్ధాబ్ధి మెఱయు నంతియ విరివిన్.[5]

⁠ 76

ఆ.⁠

ఆపయఃపయోధి యవ్వలదానికి, ద్విగుణగణిత మైనవిస్తరమున నమరియుండుఁ బుష్కరాఖ్యమహాద్వీప, మచటిమహిమ చెప్ప నలవిగాదు.

⁠ 77

సీ.⁠

ఆపుష్కరద్వీప మర్థితోఁ బాలించె సవనుఁ డారాజన్యచంద్రునకును వీరయుక్తుఁడు మహావీరధాతకుఁ డన నిరువురు పుట్టి రయ్యిరువురకును సమభాగములుగ రాజ్యముఁ బంచిపెట్టిన దానికి మానసోత్తరనగంబు మర్యాద యగును నమ్మధ్యభాగంబునఁ బరివేషమునుబోలెఁ బరఁగియుండు

⁠

1. ఆకడన్ = ఆవల, తద్విగుణ...శ్రీకముగన్ = దానికి రెండంతలుగా గుణింపఁబడినదై విరివి కలిమిగలదిగా - దానికి రెండంతలవిరివి గలదిగా.
2. ఆకుల...శ్రీలచేన్ = సరిపోల్పరాన్ని ప్రభుత్వముయొక్క ఐశ్వర్యమును అనుభవింపఁగలరాజ్యసంపదచేత, ఆత్మ...సప్తకంబునకున్ = కొడుకు లేడుగురకును.
3. శైలనికాయంబులు = కొండలసమూహములు.
4. చాతుర్వర్ణసముదయంబులు = బ్రాహ్మణక్షత్రియవైశ్యశూద్రు లనెడు నాలుగువర్ణములయొక్క సమూహములు, జనపదములు = పట్టణములు లేక గ్రామంబులు, అగణ్యంబులు = లెక్కింప నలవిగానవి, భౌమస్వర్గము = భూమిసంబంధియైన స్వర్గము, మనికి = ఉనికి, ఒల్లరు = అపేక్షింపరు, కడఁగరు = యత్నింపరు, ఉపన్యసింపఁబడున్ = చెప్పఁబడును, దివాకరమూర్తి = సూర్యమూర్తి.
5. శాకమహీజము = శాకవృక్షము, ఆకడన్ = అవతల.