అంద సుకేసరమనువృత్తము—
| |
యతియవతారసంఖ్య నిడి యాదరంబుతో
నతిశయమై నజంబులు భజాంతరేఫలున్‌
వితతముగా నొనర్చి యరవిందలోచనున్‌
క్షితిధరు సంస్తుతించిన సుకేసరంబగున్‌.
| 72
|
అంద మణిభూషణమనువృత్తము—
| |
హస్తిరాజభయనిర్హర యండజవాహనా
ధ్వస్తసంసరణ యంచుఁ బితామహవిశ్రమ
ప్రస్తుతంబుగ రనంబుల భారగణంబులన్‌
విస్తరింప మణిభూషణ వృత్తము చెల్వగున్‌.
| 73
|
అంద మనోజ్ఞయనువృత్తము—
| |
అజశివశక్రనిరంతరార్చితపద్ద్వయున్‌
భుజగకులాధిపతల్పుఁ బూని నుతింపఁగా
నజయతి నొండి నజాభరార్చిత మైచనున్‌
ఋజు వగు నుర్వి మనోజ్ఞ ఋష్యనురాగమై.
| 74
|
పదునాఱవయష్టిచ్ఛందంబునందు ప్రియకాంతయనువృత్తము—
| |
అవనియు శ్రీయు న్సతు లజుఁడాత్మోద్భవుఁ డాప్తుల్‌
దివిజులు దామోదరునకు దేవ ళ్ళిఁ కనేరి
సవతు గ నాఁగా నయనయనమ్యక్సగయుక్తిన్‌
గవినుతమై దిగ్యతిఁ బ్రియకాంతాకృతి యొప్పున్‌.
| 75
|
