పుట:Ananthuni-chandamu.pdf/130

అంద పంచచామరమనువృత్తము—

⁠

జరేఫలున్‌ జరేఫలున్‌ జసంయుతంబులై తగన్‌ గురూపరిస్థితిం బొసంగి గుంఫనం బెలర్పఁగా విరించిసంఖ్య నందమైన విశ్రమంబులం దగున్‌ బ్రరూఢమైనఁ బద్మనాభ పంచచామరం బగున్‌.

⁠ 76

జ,ర,జ,ర,జ,గ

అంద పద్మకమనువృత్తము—

⁠

నకలితంబు నభజాజగణంబులు గాంతమై సకలదిగ్విరమణంబులు సన్నుతమై చనన్‌ శకట దైత్య మదభంజను సన్నుతిసేయఁగాఁ బ్రకటమైకృతులఁ బద్మము పద్మకుఁ బట్టగున్‌.

⁠ 77

న,భ,జ,జ,జ,గ

అంద ఫలసదనమనువృత్తము—

⁠

ననలును ననలును దనరఁగ సగయుక్తిన్‌ వనరుహ భవయతు లవహిత మతితోడన్‌ నినుపుచు సుకవులు మణివిలసదురస్కున్‌ గొనకొని పొగడఁగ నగు ఫలసదనంబుల్‌.

⁠ 78

న,న,న,న,స,గ

అంద చంద్రశ్రీయనువృత్తము—

⁠

జగన్నాథున్‌ లక్ష్మీహృదయ జలజప్రోద్యదర్కున్‌ ఖగాధీశారూఢున్‌ సుకవిజనకల్ప ద్రుమంబున్‌ దగ న్వర్ణింపంగా యమనసయుతంబై రగంబుల్‌ మొగిం జంద్రశ్రీకి న్నిలుచు యతి ముక్కంటినొందున్‌.

⁠ 79

య,మ,న,స,ర,గ