అంద ప్రియంవదంబనువృత్తము—
| |
త్రిభువనాభినుతు దేవదేవునిన్‌
బ్రభుముకుందు నిటు ప్రస్తుతింపఁగా
నభజర ల్గదిసినం బ్రియంవదా
విభవ మొప్పు గిరి విశ్రమంబులన్‌.
| 52
|
అంద ప్రమితాక్షరమనువృత్తము—
| |
కమనీయతేజుని నగణ్యయశున్‌
గమలాధిపుం బలుకఁగా సజసల్‌
క్రమమొప్పుఁ గూడఁగ సకారముతోఁ
బ్రమితాక్షరం బహివిరామమగున్‌.
| 53
|
అంద జలోద్ధతగతియనువృత్తము—
| |
సరోరుహదళాక్ష శాశ్వతయశా
పురారినుత యంచు భూదరయతిన్‌
సరాగ మగుచున్‌ జసల్‌ జసలతో
నురుప్రభ యగున్‌ జలోద్ధతగతిన్‌.
| 54
|
అంద విశ్వదేవియనువృత్తము—
| |
జానొందం గావ్యశ్రీకి సంప్రీతితోడన్‌
మానాథు న్నాథుం జేసి మాయాగణంబుల్‌
ధీనిత్యుల్‌ ధాత్రీభృద్యతిం గూర్తు రింపుల్‌
తేనెల్‌ సోనల్‌ గా విశ్వదేవీసమాఖ్యన్‌.
| 55
|
