ఈ పుట ఆమోదించబడ్డది
చేటపఱ్ఱు. ఏలూరుతాలూకా - ప|| గో|| డి||
శ్రీముఖ సం|| కార్తిక శు౨- 21-10-1988.
కం|| పట్టాభిరామశాస్త్రి! పెట్టకు తడి కంట. తనదు వేయికరముల౯.
పెట్టనికోటగ నిడి నీ కెట్టివిపత్తులను జేరనీ కినుఁ డోము౯.
తే|| కలి సనాతనధర్మరక్షణముకొఱకు
పాటుపడునట్టి భూసురవరుఁడవౌట
తా సనాతనుఁడౌటను దరణి నీకు
మిత్రముఖరూపముల నిఁక మే లొసఁగఁడె?
తే|| సామయుండైన పట్టాభిరామశాస్త్రి
కవి తపశ్శాలి సుగుణుండు ఘనయశుండు.
నీప్రసాదాన కర్హుఁడు. నేఁ డతనికి
ఆయురారోగ్యముల నిడు మంబ! దుర్గ!
గుండు శేషయ్య.
--- తమరుపంపిన కవరు చేరినది. తమకుఁ డిరిగి యారోగ్యము పూర్తిగాఁ జెడుట యాపరేష౯ జరుగుట మొదలగు విషయములు చూచి మిక్కిలి దుఃఖించితిని.
ఉ|| వచ్చినలేఖఁజూచి గురువర్యునకు౯ సుఖమబ్బెనంచు లో
హెచ్చుగ సంతసంబును వహించితి నెమ్మనమందు. భాస్కరు౯
నిచ్చలు భక్తిభావములు నిండ భజించినదానికి౯ ఫలం
బచ్చుపడంగ నయ్యె. పరమాత్ముని సేవలు వ్యర్థమౌనొకో.
ఉ|| పట్టిపట్టువీడ కల భాస్కరుని౯ భజియించినందు కి
ప్పట్టున సౌఖ్యమబ్బె. కనుపట్టె శుభంబులు. దేహదార్థ్యము౯
నెట్టినఁ గల్గె. ఔషధము నేర్పుగ నిచ్చెఁ బ్రసాదరావు. ఇం
కిట్టివె భాగ్యసంపదలు నేర్పడు మీకుఁ జిరాయురున్నతి౯.
