325
చిమ్మపూఁడి అమరేశ్వరుఁడు
కుచమండలంబుల కుంకుమచర్చల
నీరెల్ల జేవురునీరు చేసి
తనులిప్తసురభిచందనకర్దమంబున
వారి నెల్లఁ బునుఁగువండు చేసి
మూలల నవపుష్పమాలికావితతుల
వన మెల్లఁ దెట్టువ గొనఁగఁజేసి
యలక లలికవీధి నంటఁ గన్గవలఁ గెం
పెలయఁ గామచిహ్నలెల్లఁ జెలయ
నెలరువాత లమర జలకేళి చాలించి
కొలను వెడలి రింతు లలపగతుల.
గీ. కమలినీకాంత యెంతయుఁ గంది వంద
వారుణీసక్తుఁడై వసువ్యయము చేసి
యరిగినట్లు సరాగియై యంబరంబు
దొఱఁగి పశ్చిమ జలధిలో నుఱికెఁ దరణి
గీ. వామనానేకపము చక్రవాళకుధర
ధాతుతటము గోరాడుచో దరులు విఱిగి
గూలుటయు మింటి కెగసిన ధూళి వోలెఁ
బర్వె నెఱసంజ పడమరఁ బట్టుకొనుచు
సీ. ధర వియోగుల నెల్లఁ బరిమార్పఁ బూని హృ
ద్భవుఁడు గట్టిన వీరవట్ట మనఁగ
విరహులపై దండు వెడలుచో మదనున
కెత్తిన కెంజివురెల్లి యనఁగ
నలిఁ బ్రోషితులమీఁద గొలిపెడు మరుకరి
ఘసృణపంకాంకిత కుంభ మనఁగ
జొత్తిల్ల బధికులనెత్తుట దోఁగిన
శంబరద్విషు చేతి చక్ర మనగఁ
