ఈ పుట అచ్చుదిద్దబడ్డది
ఉమర్ ఖయ్యామ్
39
151
పగవాఁ డాడెడునింద లెప్పుడును భావంబందుఁ జింతింప ; కా
పగతుం డెప్ఫుడు బాహ్యచక్షువులు లేవన్ నిన్ను వీక్షింపఁ ; డా
వగ హృద్దర్పణమందు వాని మృతరూపంబున్ విలోకించి మా
యఁగ నారోపణ సేయు నొడ్లపయి రౌద్రావిష్టుఁడై క్రూరతన్.
152
సజ్జనుల హింస సేఁత పైశాచికంబు
క్రూరమృగభావ మది మానుకొనఁగవలయు ;
కలిమి గలదని భ్రాంతిని గర్వపడకు,
విద్య గలదని తెగ విఱ్ఱవీఁగబోకు.
153
అలసుఁడవుగాక, కర్మల నాచరింపు ;
మాగతికి నేను గాపౌదు ; నాసవమ్ము
తెమ్ము ; కలయంతలో నర్థికిమ్ము కొంత ;
అన్యరక్తంబు విత్తార్థ మాసపడకు.
154
పురుషుఁడవు కమ్ము ; మమకారమును ద్యజించి
యీషణంబుల చెఱ వీడు ; మిచ్ఛ లెల్ల
బాధ లవి నీకు మార్గావరోధకములు
గాన యవి త్రెంచి చను విశృంఖలుఁడ వగుచు.